Superliga. “Neftchi” o‘zida “Nasaf”ni so‘nggi daqiqalarda urilgan gol evaziga mag‘lub etdi, “Olimpik” va “Surxon” o‘rtasidagi bahsda durang qayd etildi

Futbol bo‘yicha O‘zbekiston Superligasining qoldirilgan 8-turidan o‘rin olgan ikki o‘yin 2-iyul, yakshanba kuni bo‘lib o‘tdi.

“Neftchi” o‘z maydonida “Nasaf”ni qabul qildi. Uchrashuvning birinchi bo‘limida darvozalar ishg‘ol etilmadi. Ikkinchi bo‘limda farg‘onaliklar penalti ishlab oldi. Toma Tabatadze ushbu penaltini aniq amalga oshirdi va hisobni ochdi. 67-daqiqada Aziz Omonov muvozanatni tikladi. 84-daqiqada esa Tabatadze dublni rasmiylashtirdi va “Neftchi”ga g‘alaba keltirdi. 

Ushbu g‘alabadan so‘ng “Neftchi” ochkolari sonini 25 taga yetkazib, 3-o‘ringa ko‘tarilib oldi. “Nasaf” esa 4-o‘ringa tushdi. Qarshiliklar hisobida 24 ochko mavjud.

Kunning ikkinchi o‘yini “Olimpik” va “Surxon” jamoalari o‘rtasida kechdi. Uchrashuvda 1:1 hisobi qayd etildi. Timur Kapadze jamoasi safida Temur Mamasidiqov gol muallifiga aylangan bo‘lsa, “Surxon” safida Silvanus Nimeli o‘z hisobiga gol yozdirib qo‘ydi.

“Olimpik” 16 ochko bilan 9-o‘rinda, “Surxon” 19 ochko bilan 6-o‘rinda bormoqda. 

Superliga

8-tur bahslari

2-iyul, yakshanba

“Neftchi” – “Nasaf” 2:1

Gollar: 1:0 — 51 Toma Tabatadze (penalti), 1:1 — 67 Aziz Omonov, 2:1 — 84 Toma Tabatadze.

“Neftchi”: 12. Vladimir Nazarov, 2. Zoir Jo‘raboyev, 7. Umar Adhamzoda, 8. Nurillo To‘xtasinov (9. Ulug‘bek Hoshimov, 46), 13. Lutfullo To‘rayev, 19. Mirzohid G‘ofurov (70. Abbosjon G‘ulomov,70), 20. Anvarjon G‘ofurov, 21. Muhsinjon Ubaydullayev, 22. Toma Tabatadze (11. Izzatilla Abdullayev, 86), 23. Diyorjon Turopov, 24. G‘ulom-Haydar Gulyamov.

“Nasaf”: 35. Abduvohid Ne’matov, 2. Alibek Davronov, 4. Husniddin Aliqulov, 5. G‘olib G‘aybullayev, 9. Javohir Sidiqov, 18. Bahrom Abdurahimov (99. Azizbek Omonov, 66), 19. Lima Kruz, 28. Shuhrat Muhammadiyev (8. Zafarmurod Abdirahmatov, 66), 34. SHerzod Nasrullayev, 77. Oybek Bozorov, 92. Umar Eshmurodov.

Ogohlantirishlar: Husniddin Aliqulov (35), Diyor Turopov (70).

“Olimpik” – “Surxon” 1:1

Gollar: 1:0 — 59 Temur Mamasidiqov, 1:1 — 77 Silvanus Nimeli.

“Olimpik”: 13. Hamidullo Abdunabiyev, 2. Saidazamat Mirsaidov, 4. Odilbek Abdumajidov, 44. Asadbek Rahimjonov, 19. Ahmadullo Muqumjonov, 23. Abdurauf Bo‘riyev, 21. Muhammadaziz Ibrohimov (10. Farruhbek Muxtorov, 58 (18. Sardor Mahmudov, 90+3), 30. Jasur Jaloliddinov (8. Nodirbek Abdixoliqov, 82), 11. Otabek Jo‘raqo‘ziyev (9. Muhammadali G‘iyosov, 46), 17. Temur Mamasidiqov, 37. Alisher Odilov (15. Mustafo Abdumannopov, 90+3).

“Surxon”: 1. Artyom Potapov, 2. Bobirjon Asqarov, 3. Sunnatulloh Hamidjonov, 7. Doston Tursunov, 8. Humoyun Sherbo‘tayev, 17. Jahongir Abdusalomov (77. Asadbek Karimov, 58 ), 18. Silvanus Nimeli (9. Muhammadai Abdurahmonov, 89), 19. Nuriddin Hasanov (15. Diyor Ramazonov,66), 27. Asilbek Jumayev (5. Azizbek Pirmuhammadov,89), 55. Shohjahon Sultonmurodov, 66. Behruz Shaydulov.

Ogohlantirishlar: Hamidullo Abdunabiyev (25), Jasur Jaloliddinov (53), Asadbek Rahimjonov (65), Artyom Potapov (90+4).