Futbol bo‘yicha o‘smirlar o‘rtasidagi Jahon Chempionati 2023-yilning noyabr-dekabr oylarida Indoneziyada bo‘lib o‘tadi.
17 yoshli futbolchilar o‘rtasidagi mundialda ishtirok etuvchi barcha 24 ta terma jamoa nomi ma’lum bo‘ldi.
Qur’a tashlash marosimidan avval terma jamoalar an’anaviy 4 ta savatchaga joylashadi.
1-savatcha
- Indoneziya, Braziliya, Meksika, Fransiya, Ispaniya, Mali
2-savatcha
- Angliya, Yaponiya, Janubiy Koreya, Argentina, Ekvador
3-savatcha
- Yangi Zelandiya, Eron, Senegal, AQSH, O‘zbekiston, Marokash
4-savatcha
- Kanada, Yangi Kaledoniya, Panama, Burkina-Faso, Polsha, Venesuela.
Savatchalarda quyidagicha o‘zgarishlar bo‘lishi mumkin:
- Agar U-17 Osiyo Kubogida Eron g‘alaba qozonadigan bo‘lsa, u ikkinchi savatchaga o‘tadi va Ekvador uchinchi savatchadan joy oladi;
- Agar Yaponiya Osiyo Kubogi g‘olibi bo‘ladigan bo‘lsa, u birinchi savatchaga ko‘tariladi va Mali bilan joy almashadi;
- Agar Janubiy Koreya yoki O‘zbekiston chempionlikni nishonlaydigan bo‘lsa, savatchalarda o‘zgarishlar yuz bermaydi.
Qayd etib o‘tish joiz, O‘zbekiston o‘smirlar terma jamoasi U-17 Osiyo Kubogi—2023 chorak finalida Saudiya Arabistonini 2:0 hisobida mag‘lub etib, ham yarim finalga yo‘llanmani qo‘lga kiritdi, ham Jahon Chempionatiga chiqdi.
Eslatib o‘tamiz, Indoneziyada bo‘lib o‘tadigan turnir 10-noyabrda start oladi va 2-dekabrga qadar davom etadi.
Izoh (0)