Dunyo Ukrainada “qon to‘kilishini to‘xtatish” uchun hamma chorani ko‘rishi kerak, dedi Hindiston bosh vaziri Narendra Modi AQSHga tashrifi chog‘ida.
“Men bevosita va ochiq gapiryapman: hozir urush davri emas. Hozir muloqot va diplomatiya davri. Biz hammamiz odamlarning qoni to‘kilishi va azob-uqubatlarini to‘xtatish uchun qo‘limizdan kelganini qilishimiz kerak”, — dedi bosh vazir.
So‘nggi bir necha yil ichida “voqealarning chuqur halokatli rivojlanishi kuzatildi — Ukraina mojarosi bilan Yevropaga urush qaytdi”, qo‘shimcha qildi Hindiston hukumati rahbari. U urushning global oqibatlari barcha uchun og‘ir bo‘lishini ta’kidladi.
Hindiston bosh vaziri avval ham tomonlarni muloqotga chaqirgan: “Hozir urush davri emas” degan iborani u o‘tgan yilning kuzida Samarqanddagi SHHT sammitida Rossiya prezidenti Vladimir Putin bilan uchrashuvda aytgan edi. Dekabr oyida Modi ushbu g‘oyani qo‘llab-quvvatlab, shunday degan:
“Bugun biz tirik qolish uchun kurashishimiz kerak emas. Bizning davrimiz urushlar davri bo‘lmasligi lozim!”
20-iyun kuni The Wall Street Journal nashriga bergan intervyusida Modi Hindiston Ukraina mojarosida betaraf emasligini, tinch yo‘l bilan hal etish va muloqot tarafdori ekanini ta’kidladi.
Izoh (0)