Braziliyada parvoz vaqtida yo‘lovchi samolyotining lyuki ochilib ketdi. Qayd etilishicha, hodisa Bandeirante EMB-110 layneri havoga ko‘tarilganidan yarim soat o‘tib sodir bo‘lgan.
Voqea sodir bo‘lgan vaqtda salonda 12 kishi bo‘lgan, ularning barchasi mahalliy San-Luis shahridan kelgan musiqachilar ekani aytilmoqda.
Uchuvchi mazkur hodisa tufayli aeroportga qaytishga qaror qilgan va samolyotni muvaffaqiyatli qo‘ndirgan. Rasmiy ma‘lumotlarga ko‘ra, jabrlanganlar yo‘q.
Musiqiy guruh prodyuseri Renato Butikaning aytishicha, u samolyotning lyuki yonida o‘tirgan va voqeani videoga olgan. Uning so‘zlariga ko‘ra, yo‘lovchilar dastlab qo‘rquvdan baqira boshlagan, keyin esa tinchlanishgan, deb xabar beradi Amerikaning ABC telekanali.
Shu yilning 26-may kuni Janubiy Koreyada Asiana Airlines aviakompaniyasiga tegishli samolyotning avariyaviy chiqish eshigi Tegu shahriga parvoz paytida ochilib ketgandi.
Izoh (0)