Joriy yilning 5-7 iyun kunlari "O'zbekiston Respublikasi tashqi iqtisodiy faoliyat milliy banki" AJ delegatsiyasi Xitoy yuanlarida obligatsiyalar chiqarish masalasini o'rganish doirasida yetakchi Osiyo va Yevropa investorlari bilan "Non-Deal Road Show" ni muvaffaqiyatli o'tkazdi.
Investorlar bilan uchrashuvlarni Xitoyning Agricultural Bank, JP Morgan, Standard Chartered Bank, Haitong International Securities Group Limited kabi yirik xorijiy banklar va investitsiya vositachilari tashkil etishdi. Moliya institutlari bilan muvaffaqiyatli tashkil etilgan hamkorlik O'zmilliybank xalqaro investitsiya hamjamiyatiga bo'lgan ishonchini ta'kidlaydi.
"Non-Deal Road Show" doirasida O'zmilliybank delegatsiyasi yirik investitsiya kompaniyalari Invesco, L&R Capital, Gaoteng, Nexus, Guotai Junan Securities, Erste Bank Treasury, BNP Paribas Asset Management Asia Ltd,Fuh-hwa Securities Inv Trust Co Ltd, Bank Invest Asset Management-Den, HPS Investment Partners, China Investment Corporation, Bohai Bank HK Branch, Guolian Securities, Aberdeen Asset Management, Haitong Asset Management va Haitong Private Wealth Management". "Non-Deal Road Show" ni o'tkazishning asosiy maqsadi O'zbekiston Respublikasi va uning makroiqtisodiy ko'rsatkichlarining rivojlanishi, shuningdek, amalga oshirilayotgan keng ko'lamli islohotlar, O'zmilliybank va uning mamlakat bank sektoridagi barqaror pozitsiyalari, transformatsiya jarayoni, xalqaro moliya institutlari bilan hamkorlik va amalga oshirilayotgan investitsiya loyihalari haqida batafsil ma'lumotlar bilan tanishish edi.
Xorijiy investorlar va xorijiy banklar bilan uzoq muddatli munosabatlar o'rnatish, shuningdek, Xitoy yuanlarida obligatsiyalarning muvaffaqiyatli chiqarilishi xalqaro kredit bozorining o'zgaruvchanligi sharoitida istiqbolli investitsiya loyihalarini moliyalashtirish manbalarini diversifikatsiya qilish imkonini beradi, shuningdek, O'zbekiston Respublikasidan bo'lajak emitentlar uchun benchmark yaratadi.
Reklama huquqi asosida.
Izoh (0)