Uzbekistan Airways 9-iyundan boshlab iyun oyida barcha mahalliy reyslar uchun aviachiptalar tariflarga 15 foiz chegirma e’lon qiladi.
O‘zbekiston Respublikasida iyun oyi “Yoshlar oyligi” deb e’lon qilinib, “Yangi O‘zbekiston yoshlari - birlashing!” shiori ostida nishonlanadi. Aviakompaniya O‘zbekiston bo‘ylab sayohat qilish qulay va hamyonbop bo‘lishini ta’minlash maqsadida 9-iyundan boshlab 14 yoshdan 30 yoshgacha bo‘lgan yoshlar uchun O‘zbekiston Respublikasining barcha yo‘nalishlariga aviachiptalarni 15 foiz chegirma bilan sotib olish imkoniyatini taqdim etadi.
Chegirma 2023-yilning 30-iyunigacha davom etib, barcha mahalliy aviaqatnovlarning ekonom-klass tariflari uchun amal qiladi.
Aviachiptalarni chegirma bilan “Uzbekistan Airways Sales” filialida va uning agentlaridan xarid qilish mumkin.
“Yoshlar oyligi”ga bag‘ishlangan chegirmalar haqida batafsil ma’lumotni aviakompaniyaning www.uzairways.com rasmiy saytining “Yangiliklar” bo‘limida topishingiz mumkin.
Markaziy Osiyo qanotlarida O‘zbekiston bo‘ylab qulay narxlarda sayohat qiling!
Reklama huquqi asosida.
Izoh (0)