Toshkent shahrining Yashnobod, Bektemir hamda Chilonzor tumanlari hududidagi qisman aholi yashash xonadonlarida elektr energiyasi 8-iyun kuni soat 18:00 ga qadar vaqtinchalik o‘chirildi. Bu haqda “Hududiy elektr tarmoqlari” Toshkent shahar filiali xabar berdi.
Isteʼmolchilarga elektr energiyasini sifatli hamda ishonchli yetkazib berish, yuzaga kelishi mumkin bo‘lgan avariyaviy uzilishlarni oldini olish va tuman elektr taʼminoti korxonasi tomonidan belgilangan davlat dasturlari asosida hududlarda past kuchlanishli elektr uzatish tarmoqlarini yangilash va modernizatsiya qilish ishlari bosqichma-bosqich amalga oshirib kelinyapti.
Shu sababli ushbu xududlardagi aholi yashash xonadonlarida elektr energiyasidan vaqtinchalik uzilishlar kuzatilmoqda.
Bektemir tumani — “Iyk ota” MFYning Maʼrifat va Hurriyat ko‘chalari hamda “Oltintopgan”MFYning Oltintopgan ko‘chalari hududidagi aholi yashash xonadonlarida;
Yashnobod tumani — Baku, Boysun, G‘ijduvon, Hovot, Marv, M.Ashrafiy, Tuzel 1-mavzesi, Sialkova, Tovkantepa, Bahor, Yangihayot, P.Mahmud, Maxmur, Turizm kolleji, Parkent, Oltintepa, S. Azimova, To‘ytepa, Istiqbol, Darxon, Ilg‘or shox, “Mirishkor” MFY hamda Qashqadaryo ko‘chalari hududidagi aholi yashash xonadonlarida;
Chilonzor tumani — Nurxon, Afshona hamda Qo‘shchinor ko‘chalari hududidagi aholi yashash xonadonlarida elektr energiyasi vaqtinchalik o‘chiriladi.
Shuningdek, maʼlum qilinishicha, “Qo‘qon” podstansiyasida 35 kilovatli yuqori kuchlanishli kabel tarmog‘ining shikastlanishi natijasida favqulodda avariya holatida elektr energiyasidan uzilish sodir bo‘lgan. Buning natijasida, Mirobod va Yakkasaroy tumanlari hududidagi isteʼmolchilarining bir qismida elektr taʼminotida uzilish kuzatilmoqda.
Ayni vaqtda “Hududiy elektr tarmoqlari” AJ Toshkent shahar filialining yuqori kuchlanishli avariyaviy holatlarini bartaraf etish maxsus tezkor brigadalari tomonidan podstansiyadagi nosozlikni bartaraf etish choralari ko‘rilmoqda.
“Hududiy elektr tarmoqlari” AJ Toshkent shahar filiali mazkur taʼmirlash ishlari tufayli elektr energiyasi taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr so‘raydi.
Energetika vazirligi vodiy viloyatlarining ayrim hududlarida 1-iyun kuni elektr ta’minotida uzilishlar kuzatilgani bo‘yicha tushuntirish bergandi. Unga ko‘ra, sekundiga 24 metr esayotgan kuchli shamol tufayli vodiy viloyatlarining ayrim hududlarida elektr ta’minotida uzilishlar kuzatilgan. Shu sababli xavfsizlikni ta’minlash maqsadida Namangan, Farg‘ona va Andijon viloyatlaridagi ayrim elektr tarmoqlari vaqtincha tarmoqdan ajratilgan.
Izoh (0)