Buxoro viloyatida 7-iyun kuni harakatlanib ketayotgan Matiz yonib ketdi. Bu haqda viloyat FVB axborot xizmati xabar berdi.
Unga ko‘ra, hodisa “Rabotiqalmoq” MFY Zarafshon bog‘dorchilik xo‘jaligi hududidan o‘tuvchi ichki yo‘lda sodir bo‘lgan. Xabar yuzasidan 2 ta yong‘in qutqaruv avtoekipaji jalb etildi. Avtoekipajlar voqea joyiga 18:36 da yetib borib, soat 18:46 da batamom o‘chirildi.
2003-yilda tug‘ilgan fuqaro boshqaruvida bo‘lgan, Matiz rusumli avtomobilining dvigatel, salon qismi va shinalari yongan. Birlamchi maʼlumotga ko‘ra yong‘inning kelib chiqish sababi avtomobildagi elektr simlarining qisqa tutashuvi deb taxmin qilinmoqda. Yong‘in oqibatida fuqarolarning kuyish tan jarohati va halok bo‘lish holatlari qayd etilmadi.
Izoh (0)