Avstraliyalik Angelos Postekoglu “Tottenhem” bosh murabbiyiga aylandi. Bu haqida londonliklar rasmiy sayti ma’lum qildi.
“Shporlar” murabbiy bilan 4 yillik shartnoma imzoladi.
Postekoglu bundan avval “Seltik” bosh murabbiyi sifatida faoliyat olib borgan. Murabbiy, shuningdek, “Yokogama F Marinos”, “Melburn Viktori”, “Brisben Roar”, “Saut Melburn” kabi jamoalarda ishlagan. 2013-yildan 2017-yilga qadar Avstraliya terma jamoasini ham boshqargan.
“Tottenhem” 2023-yilning mart oyida Antonio Konteni iste’foga chiqardi. Italiyalik murabbiy 2021-yildan buyon jamoa bosh murabbiyi sifatida faoliyat olib borayotgan edi. Kontedan keyin mavsum yakuniga qadar Rayan Meyson vaqtinchalik murabbiy sifatida ishladi.