“Galaktika qo‘riqchilari” kinokartinasining uchinchi qismi jahon prokatida 500 million dollardan ko‘proq mablag‘ to‘pladi, deb xabar bermoqda “Film.ru” nashri.
Kinokartina hozirga qadar AQSH va Kanada hududidan 213,2 million dollar mablag‘ yig‘gan. Loyihaning chiptalar sotuvi atigi 49 foizga kamaygan, ikkinchi haftada Marvel kinematik olamining barcha loyihalari ichida faqat “Qora Pantera”ning chiptalar sotuvi 45 foiz va “Tor” filminiki esa 47 foizni tashkil qilgan.
Xalqaro hududlardan yana 315,6 million dollar to‘planib, filmning jami prokati 528,8 million dollarga yetgan. “Galaktika qo‘riqchilari” loyihasining budjeti 250 million dollarni tashkil etdi.
Uchinchi qismda Gamoraning yo‘qolishidan hanuzgacha o‘ziga kela olmayotgan Piter Kvill o‘z jamoasini koinotni himoya qilish uchun yig‘adi. Yangi missiya juda xavfli: bu qo‘riqchilar uchun so‘nggisi bo‘lishi ham mumkin.
Izoh (0)