Ko‘p seriyali loyihalar va har xil superqahramonlik franshizalari hatto eng mehnatkash yulduzlardan ham misli ko‘rilmagan vaqt va kuch talab qiladi. Tomoshabinlar yaxshi ko‘radigan roldan aktyorning oddiy charchoq yoki tajriba yetishmasligi tufayli bosh tortishi odatiy hol emas. Bunday hollarda tomoshabinlar aktyorlar almashtirilishidan norozi bo‘lishadi. Ba’zida esa yangi yuzlar xarakterga joziba qo‘shadi va unga boshqa burchakdan qarashga imkon beradi.
“Jodugar”, 2019
4 fasl / jangari, dramatik, sarguzasht / Polsha
Rejissor: Alik Saxarov, Stiven Surjik, Sharlotta Brandstrom, Aleks Garsia Lopes
Rollarda: Genri Kavill, Anya Chalotra, Freya Allan, Imon Farren
.jpg)
Muxlislarni hayratda qoldirgan narsa Genri Kavillning serialdan ketishi haqidagi xabar edi. Britaniyalik aktyor o‘rniga Kris Xemsvortning ukasi avstraliyalik Liam Xemsvort kelishi kutilmoqda. Bundan tashqari, 2023-yilga kelib, shouning faqatgina uchta to‘liq fasli suratga olindi. Shuni yodda tutish kerakki, Kavill yuqori talabga ega aktyor va bitta loyihaga uzoq vaqt ajrata olmaydi. Avvalroq “Jodugar” filmidan ketishi Genrixning Supermen roliga qaytishi bilan bog‘liq ekani xabar qilingandi.
“Qora ritsar”, 2008
Jangovar dramatriller / AQSH
Rejissor: Kristofer Nolan
Rollarda: Kristian Beyl, Xit Lejer, Aaron Ekxart, Meggi Jillenxol
.jpeg)
Kristofer Nolan o‘zining “Betman”ida Jokerni hech qachon qayta suratga olmasligini bir necha bor ta’kidlagan. Eslatib o‘tamiz, “Qora ritsar”da yovuz qahramon rolini 2008-yilda fojiali tarzda vafot etgan Xit Lejer ijro etgan. Shunga qaramay, prinsipial rejissor faqatgina shu qahramonga istisno qilgan shekilli. Uning “Betmen: muqaddima” va “Qora ritsar” filmlari o‘rtasida sodir bo‘lgan Reychel Dousning to‘satdan o‘zgarishini qanday izohlash mumkin? Keti Xolmsni Meggi Jillenxol bilan almashtirish ko‘pchilikka yoqmadi. Yaxshiyamki, filmda Jokerning paydo bo‘lishi Xolmsning ketishi tufayli bezovtalikni sezilarli darajada yengillashtirdi.
“Temir odam”, 2008
Jangari, fantastika, sarguzasht / AQSH
Rejissor: Jon Favreau
Rollarda: kichik Robert Dauni, Jeff Brijs, Gvinet Peltrou
.jpeg)
Hozirda Toni Starkning sherigi Jeyms Rouds rolini o‘ynagan Don Chidl bu rolning birinchi ijrochisi bo‘lmaganini ko‘pchilik bilmaydi. Terrens Xovard 2008-yilda “Temir odam” filmida Rouds rolini ijro etgan. Biroq Xovardning roli oddiyroq edi — u hech qachon super qahramon kostyumini kiyib ko‘rmaydi. Aynan shuning uchun ko‘pchilik tomoshabinlar aktyorning franshizadagi ishtirokini allaqachon unutib qo‘yishgan. Axir, birinchi “Temir odam” chiqqaniga 15 yil bo‘ldi.
“Matritsa”, 1999
Jangovar fantastika / AQSH
Rejissor: Lana Vachovski, Lilli Vachovski
Rollarda: Kianu Rivz, Lorens Fishbern, Kerri-Ann Moss, Hyugo Uiving
.jpeg)
Vachovski trilogiyasi tugaganidan keyin 20 yil o‘tib chiqqan “Matritsa: tirilish” Kianu Rivzni Neo roliga va Keri-Enn Mossni Triniti roliga qaytarishga muvaffaq bo‘ldi, ammo boshqa personajlarning aksariyati o‘zgartirildi. Bu Morfeyga ham, Agent Smitga ham ta’sir qildi. Yangi filmda bosh yovuz qahramon rolini “Tafakkur o‘yinlari” filmidan ko‘pchilikka tanish bo‘lgan Jonatan Groff egalladi.
“Qasoskorlar”, 2012
Jangari, fantastika, sarguzasht / AQSH
Rejissor: Joss Uidon
Rollarda: kichik Robert Dauni, Kris Evans, Mark Ruffalo, Kris Hemsvort
.jpeg)
Xalkning qayta ijrosi o‘zini to‘liq oqladi deb aytish qiyin — oxir-oqibat Edvard Norton personajning yakkaxon filmida Bryus Banner rolini, “Qasoskorlar” franshizasida Mark Ruffalo o‘ynadi. Biroq “Xalk”da o‘ynagan Tim Rot va Uilyam Xert o‘z rollariga qaytishdi, Edvard Norton esa yo‘q. Ba’zi mish-mishlarga ko‘ra, aktyor Marvel prodyuserlari bilan kelisha olmagan, boshqalarga ko‘ra, Ruffalo rolga ko‘proq mos nomzod deb hisoblangan. Bugungi kunga kelib, Mark Ruffaloni Xalk rolining yanada to‘laqonli ijrochisi deb atash mumkin.
Izoh (0)