Kayli Jenner o‘zining yoqimtoy ko‘rinishi tufayli haqiqiy kosmetika imperiyasini qurdi. Shu sababli ko‘pchilik uning yuzi va qomatini plastik jarrohlar ishining natijasi deb hisoblaydi. Biroq model yaqinda bergan intervyularining birida plastik jarrohlik amaliyotini boshdan kechirgani haqidagi mish-mishlarga aniqlik kiritdi.
Mashhur kosmetik brend egasi hech qachon plastik jarrohlik operatsiyasini qildirmaganini aytgan
“O‘zimga bo‘lgan ishonchsizlik tufayli bir nechta plastik operatsiyalarni qildirganman, deb o‘ylashlari mutlaqo xato”, —deydi Jenner.
Shuningdek model avvalgi intervyularining birida plastik jarrohlik bo‘yicha o‘z fikrini bildirgan.
“Insonlar yuzimni butunlay o‘zgartirganimga ishonadi va bu mutlaqo bema’nilik. Bu shunchaki dahshatli. Men bu ishni hech qachon qilmayman”, — deydi model.
Million dollarlik kosmetika brendining egasi bo‘lgan Jenner plastik jarrohlik amaliyotisiz ham chiroyli ko‘rinish mumkinligi haqida gapirib berdi. “Aslida, yaxshi parvarishlangan sochlar, makiyaj va fillerlar mo‘jiza yaratishi mumkin”, — deydi model.
“Makiyaj menga ishonch bag‘ishlaydi, u bilan o‘zimni doim ajoyib his qilaman va umuman olganda, makiyajni maqul ko‘raman. Bu yordamida har qanday obrazni osongina o‘zgartirishingiz va o‘zingizni qulay his qilishingiz mumkin, biroq bu yomonmi?”, — deya fikr bildirgan Kayli Jenner.
Model bir necha yil oldin lablarini filler bilan kattalashtirganini aytgan
Model lablarini filler yordamida kattalashtirgan. Kaylining so‘zlariga ko‘ra, model bolaligida o‘ziga to‘liq ishongan, uni faqat bir narsa — lablari qoniqtirmagan.
U bu haqda darhol aytishga qaror qilgan. Model 2015-yilda, Kardashyanlar oilasi realiti-shousining epizodlaridan birida lablarini vaqtinchalik filler bilan kattalashtirganini aytgan.
“Bu men qilgan eng yaxshi ish edi va bundan umuman afsuslanmayman. Biroq men o‘zimni doim go‘zal deb hisoblaganman”, — deydi model. Jenner 2018-yilda yuzidagi barcha filler moddalarini olib tashlaganini ma’lum qildi.
Shuningdek, Kayli onalik uni yanada go‘zallashtirganini aytdi
Kaylining ikki nafar: 5 yoshli qizi Stormi va 1 yoshli Eyr ismli farzandi bor. Modelning so‘zlariga ko‘ra, u bolalar tufayli tashqi ko‘rinishiga yangicha nazar tashlagan: “Men o‘zimni yanada sevib qoldim. Endi qizim va o‘g‘limda o‘z fazilatlarimni ko‘raman”, — deydi Jenner.
“Qizim o‘zimga o‘xshaydi, go‘zalligimni unda ko‘raman. Go‘zallik esa men uchun doim o‘zgarib turadi”, — deya qo‘shimcha qilgan model.
Kayli Jenner plastik operatsiya qildirmagan yagona mashhur inson emas. Ba’zi mashhurlar ham o‘zingizni yaratilganingizdek sevishingiz kerak deb hisoblaydi. Ular orasida Izabella Rossellini va Marion Kotiyyar bor.
Izoh (0)