Amerikalik aktyor Robert De Niro yettinchi marta otalik baxtiga sazovor bo‘ldi. Robert bu haqda “Mening otam haqida” filmining suratga olish jarayonlari bo‘yicha intervyu chog‘ida aytib o‘tdi.
Foto: Instagram
“Har bir ota-ona bolalari bilan munosatlarga to‘g‘ri yondoshishga harakat qiladi. Lekin har doim ham ideal ota-ona bo‘la olmaymiz”, — deydi aktyor.
Shu paytda ET Canada nashri jurnalisti aktyorning olti nafar farzandi borligini aytdi. “Umuman olganda, farzandlarim yetti nafarga yetdi. Yaqinda yana bir farzandli bo‘ldim”, — deydi aktyor.
Keyinroq kinoaktyorning vakili ushbu ma’lumotni tasdiqladi. Robert De Niro 2022-yilda jang san’ati bo‘yicha instruktor Tiffani Chen bilan birga yashay boshlagan edi.
Robert De Nironing birinchi rafiqasi Dayen Ebbotdan ikki nafar — 51 yoshli Drena hamda 46 yoshli Rafael ismli farzandlari bor. Greys Xaytauerdan 25 yoshli Elliot va 11 yoshli Xelen ismli qizlari bor. Shuningdek, uning Tuki Smit bilan munosabatlaridan egizak o‘g‘illari dunyoga kelgan.
Izoh (0)