Jizzax shahriga yaqin hududda joylashgan Qorasoyda 3-may kuni San-Diegodagi Kaliforniya universiteti (UCSD) va O‘zbekiston FVV huzuridagi Respublika Seysmologik bashorat va monitoring markazi tomonidan o‘rnatilgan seysmik stansiya ochilish marosimi bo‘lib o‘tdi.
AQSHning O‘zbekistondagi elchixonasi matbuot xizmatining xabar berishicha, stansiya o‘rnatilishiga deyarli 2,5 yillik tayyorgarlik ko‘rildi.
Dunyo bo‘ylab 150 dan ortiq stansiyadan iborat AQSH Global seysmik tarmog’ining bir qismi sifatida ushbu stansiyani AQSH hukumati moliyalashtiradi. U AQSH Milliy Ilm-fan Jamg’armasi ko‘magida UCSD Xalqaro Akselerometrni joylashtirish dasturi doirasida texnik xizmat ko‘rsatish va o‘qitish bilan ta’minlanadi.
Ushbu stansiyada to‘plangan ma’lumotlar butun dunyo bo‘ylab foydalanuvchilar, jumladan, olimlar, muhandislar, talabalar va keng jamoatchilik uchun quyidagi veb-sayt orqali ochiq bo‘ladi.
Xabarda ta’kidlanishicha, stansiya O‘zbekiston va Markaziy Osiyoda jahon seysmik faolligini yaxshiroq tushunish uchun yaratilgan. Stansiyadan olingan ma’lumotlar zilzilalar joyini aniqlash va ular keltirib chiqaradigan xavflarni kamaytirish uchun ishlatilishi mumkin, bu esa jamoat xavfsizligi va fundamental fan uchun muhimdir.
Qorasoydagi doimiy stansiya GSN Kaliforniya shtatidagi San-Diyego universiteti va Seysmologiya qo‘shma tadqiqot instituti tomonidan birgalikda boshqariladi.
Ma’lumot uchun, birinchi seysmik stansiya 1901-yilda Toshkentda ishga tushirilgan va O‘zbekistonda muntazam instrumental seysmologik kuzatishlar boshlangan. Toshkent zilzilasi (1966-yil) O‘zbekistonda seysmologiyaning rivojlanishida muhim turtki bo‘ldi. O‘zbekistonda zilzila haqidagi bilimlar doirasi kengaydi, seysmik stansiyalar soni ko‘paydi.
Izoh (0)