Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.
Muqaddas Sa’dullayeva kuzatuvchilarining savollariga javob berar ekan, turmush o‘rtog‘i Yigitali Mamajonovning sobiq rafiqasi Rayhon bilan iliq munosabatda ekanligini aytib o‘tdi.
O‘zbek Milliy akademik drama teatrining taniqli aktyori Rixsitilla Abdullayev o‘g‘li Tojirahmonni uylantirmoqda. Aktyor hovlisida bo‘lib o‘tgan fotiha to‘yidan qiziqarli lavhalarni sahifasiga joyladi.
Fotiha to‘yida milliy teatrning ko‘plab aktrisalari mehmon bo‘ldi.
Xonanda Janob Rasul yangi mashina xarid qildi hamda quvonchini muxlislari bilan bo‘lishdi.
Xonanda Kaniza 28-aprel kuni 38 yoshni qarshi oldi hamda shu munosabat bilan poytaxtdagi restoranlardan birida katta bayram tashkillashtirdi.
Instabloger Kamola Ortiqova turmush o‘rtog‘i Zohid Risqiyev bilan yangi fotosessiya o‘tkazdi.
Aktyor va rejissor Azamat Ahrorov rafiqasini tug‘ilgan kuni bilan qanday tabriklagani aks etgan videoni sahifasiga joyladi.
Aktrisa Umida Norboyeva 13 yil deganda onalik baxtiga sazovor bo‘ldi. Bu haqda uning dugonasi, aktrisa Shohida Usmonova o‘z sahifasida yozib qoldirdi.
Aktrisa Bahora Arslonova “Bollivud battl“ ko‘rsatuvidagi ishtiroki tufayli ijtimoiy tarmoqlarda muhokamalarga sabab bo‘ldi. Foydalanuvchilar ko‘rsatuvdagi g‘alabaga undan ko‘ra, Maftuna Shokirova ko‘proq munosib ekanligini yozmoqda. Bahora Arslonova ko‘rsatuvda erishayotgan muvaffaqiyatiga mehnati sabab bo‘lgani haqida aytib o‘tdi.
“Qora niyat” turk serialidagi Yildiz roli bilan o‘zbek tomoshabinlari mehrini qozongan aktrisa Eda Eje unashtirildi.
Saida Rametova Alsgeymer kasalligiga chalingan turmush o‘rtog‘i Jumadulla Rametovning o‘zi bilan o‘zi gaplashadigan bo‘lib qolgani tufayli kasalxonaga yotqizishga majbur bo‘lishgani haqida so‘zlab berdi.
Xonanda Hamdam Sobirov barcha tanishlaridan konsertga chiptani undan so‘ramay, “Xalqlar do‘stligi” san’at saroyi kassalaridan xarid qilishni so‘radi.
Ijtimoiy tarmoqlarda aktyor Shahzod Sultonov aktrisa Zarina Yo‘ldoshevani kaltaklayotgani aks etgan video tarqaldi. Ularning aytishicha, aslida bu holat serial syomkasida yuz bergan.
Aktyor Dilshodbek Kattabekov otasini tug‘ilgan kuni bilan ta’sirli tarzda tabrikladi. 
Izoh (0)