Sifatsiz mahsulotlar bilan yaqindan tanishish nafaqat pulni behuda sarflashga, balki sog‘liqda muammolarga sabab bo‘lishi mumkin.
Avokadoning pishgani bandidan bilinadi
Avokado pishganini tekshirishning oson yo‘li mavjud. Bandini tortib olishga harakat qiling: agar bu oson chiqsa, meva pishgan. Agar chiqara olmasangiz, unda avokado hali pishmagan.
Yaxshi qovoqdan tiqillagan ovoz eshitiladi
Bu sabzavot sifatini aniqlashning oson usullaridan biri unga chertishdir. Qovoq yaxshi bo‘lsa, meva ichida bo‘shliq bordek, ovoz chiqaradi. Qovoqning ko‘rinishiga ham e’tibor berish kerak. U qattiq bo‘lishi, yumshoq yoki shikastlangan bo‘lmasligi kerak.
Yogurt qatlamlarga ajralsa ham aynigan bo‘lmaydi
Ba’zida yeyishimiz mumkin bo‘lgan narsalarni tashlab yuboramiz. Misol uchun, yogurt yuzasida suyuqlik qatlami paydo bo‘lganda, mahsulotni aynigan deb o‘ylaymiz. Bu aslida juda ko‘p ozuqaviy moddalarni o‘z ichiga olgan zardobdir. Yogurtni bir hil suyuq bo‘lgunga qadar chayqatish kerak.
Kichikroq qulupnay odatda shirin bo‘ladi
Qulupnay bandidan uzilishi bilanoq, pishish jarayoni to‘xtaydi. Agar qulupnay yuzasida sarg‘ish yoki yashil rangli yengil dog‘lar bo‘lsa, shirin bo‘lmaydi. Kichik mevalar odatda sersuv va yoqimli ta’mga ega. Qulupnaylarning rangi qanchalik boy va to‘q bo‘lsa, qulupnay shunchalik yaxshi pishgan bo‘ladi.
Uzoq muddatli saqlashdan keyin qulupnay biroz qorayishi mumkin, ammo bu uni shirin qilmaydi. Shuning uchun rezavorlarni hidlab bilgan ma’qul. Agar ular boy va kuchli hidga ega bo‘lsa, unda ta’mi ajoyib bo‘ladi.
Tovuq qadoqlangan idishda suv bo‘lmasligi kerak
Agar tovuq muzlatilgan bo‘lsa va uning atrofida suv hosil bo‘lsa, go‘sht iste’molga yaroqsiz bo‘lishi ehtimoli bor. Yana bir tashvish beruvchi belgi tovuqning haddan tashqari qizil terisi bo‘lishi mumkin.
Kokos yog‘ining sifatini aniqlash uchun uni muzlatkichga qo‘yish kerak
Kokos yog‘ida boshqa moddalarning aralashmalari bo‘lsa, ularni osongina aniqlash mumkin. Buning uchun mahsulotni yarim soat davomida muzlatkichga qo‘yish kifoya. Kokos yog‘i qotib qoladi, boshqa yog‘lar esa alohida qatlam hosil qiladi.
Sersuv limonni osongina siqish mumkin
Limonning kattaligi uning sersuvligiga hech qanday ta'sir qilmaydi va hatto kichik mevalarda juda ko‘p sharbat bo‘lishi mumkin. Meva qanchalik suvli va pishganligini baholash uchun limonni bosh va ko‘rsatkich barmoq bilan siqib ko‘rish kerak. Agar limon juda qattiq bo‘lsa, demak, uning qobig‘i juda qalin va yetarli miqdorda sharbat bo‘lmaydi. Mevaning yumshoqligi pishib o‘tib ketganligini bildiradi.
Maydalangan qahvadan ko‘ra qahva donlarini sotib olgan ma’qul
Barcha qahvani sevuvchilarga tayyor maydalangan mahsulotni sotib olmaslik tavsiya etiladi, chunki u ko‘pincha qalbaki bo‘ladi. Donlar maydalangan holda sotilganda kukun tarkibini aniqlash qiyin, unga boshqa narsalar ham qo‘shilgan bo‘lishi mumkin. Bunday muammolarning oldini olish uchun qahva donlarini sotib olish va uni o‘zingiz yoki do‘konda maydalatgan ma’qul.
Izoh (0)