Turkmanistonning sobiq prezidenti Gurbanguli Berdimuhamedov o‘g‘li Serdar Berdimuhamedovdan hokimiyatni qaytarib olmoqchi. Bu haqda Carnegie Politika xabar berdi.
Hokimiyat tranzitini amalga oshirgan Gurbanguli Berdimuhamedov, “parda ortidan hukmronlik qilishni” kutgani aytilmoqda.
Ammo uning o‘g‘li prezident bo‘lgach, katta vakolatlarni o‘z qo‘liga oldi, nufuzli qarindoshlarini ta’qib qila boshladi. Turkmaniston rahbari otasi bilan emas, u bilan aloqa o‘rnatayotgan xorijiy sheriklar bilan uchrasha boshladi. Bundan tashqari, u bir nechta vazirlarni tayinlash orqali hukumatni yangiladi.
Bunday ikki tomonlama hokimiyat iyerarxiyada chalkashliklarga olib keladi: na jamiyat, na davlat apparati mamlakatning haqiqiy hukmdori kimligini tushunmaydi. Masalan, Turkmaniston rasmiylari chet el safarlarida kimni kuzatib borishi va kimga hamrohlik qilmaslik kerakligi, davlat OAVlari esa birinchi navbatda kimni ko‘rsatish haqida bosh qotirmoqda.
“Bu jarayonlarning barchasiga ota haqiqiy kuchni qaytarish uchun favqulodda maxsus operatsiya bilan javob berishga qaror qildi”, — deyiladi xabarda.
Mart oyi oxirida Turkmanistonda parlament saylovlari bo‘lib o‘tdi, undan ko‘zlangan maqsad mamlakatdagi parlamentni bir palatali qilishdir. Gurbanguli Berdimuhamedov o‘zi boshchilik qilayotgan parlamentning yuqori palatasini deyarli cheksiz vakolatlarga ega bo‘lgan milliy oliy organga aylantiruvchi islohotlarni boshladi.
Buni chetlab o‘tib, hech qanday o‘zgarishlar, jumladan, kadrlar o‘zgarishini amalga oshirishning iloji bo‘lmaydi, natijada prezident o‘z ta’siri bo‘yicha vazirlar bilan bir qatorda bo‘ladi.
“Agar biron sababga ko‘ra davlat rahbari o‘z vazifalarini bajara olmasa, u avtomatik ravishda yangi milliy oliy palata raisiga, ya’ni Berdimuhamedovga o‘tadi. Turkmanistonda hokimiyatning otadan o‘g‘ilga va aksincha o‘tishi haqidagi hikoya kulgili tuyulishi mumkin, ammo bu avtoritar tizimlarda tranzit jarayoni naqadar nozik ekaniga yorqin misoldir”, — Carnegiye Politika.
Izoh (0)