“Yuventus”ga 15 ochko qaytarib berildi. Klub musobaqa jadvalida 3-o‘ringa ko‘tarilib oldi

Italiyaning “Yuventus” klubiga 15 ochko qaytarib berildi. 

Italiya Milliy olimpiya qo‘mitasi (CONI) kafolat kengashi Turin klubining ochkolarni olib qo‘yish qarori ustidan shikoyatini qanoatlantirdi. Eslatib o‘tamiz, yanvar oyida “Yuventus” futbolchilarning transfer narxini oshirib ko‘rsatganlikda, shuningdek, xodimlarning xarajatlari haqidagi ma’lumotlarni va futbolchilar maoshining haqiqiy hajmini yashirganlikda ayblanib, 15 ochkodan mahrum qilingandi. 

Endi yangi sud jarayoni bo‘lib o‘tadi. Italiya futbol federatsiyasining federal apellyatsiya sudi (FIGC) ishni qayta ko‘rib chiqishi lozim.

15 ochko qaytarib berilganidan keyin turinliklar ochkolari sonini 59 taga yetkazib, 3-o‘ringa ko‘tarilib oldi. 2-o‘rindagi “Latsio”dan 2 ochko, yetakchi “Napoli”dan esa 16 ochko ortda qolmoqda.