Namangan viloyatida qidiruvga berilgan fuqaro Sherzod Umarov qo‘lga olindi. U voyaga yetmagan qizni zo‘rlaganlikda gumonlanmoqda.
Maʼlum bo‘lishicha, mazkur shaxs 12-aprel kuni Namangan shahri O‘zbekiston ko‘chasida joylashgan yashash xonadonining yerto‘lasidan topilgan. Hozirda unga nisbatan qamoqqa olish tarzida ehtiyot chorasi qo‘llangan.
Eslatib o‘tamiz, Namangan shahri O‘zbekiston ko‘chasidagi xonadonda yashovchi, 1989-yilda tug‘ilgan Sherzod Umarov 1-aprel kuni soat 23:30 da “Bobur bog‘i”dan voyaga yetmagan qizni taksi sifatida uyiga olib borib qo‘yishini aytib, uni nomaʼlum manzildagi xonadonga olib borib, zo‘rlik ishlatib, nomusiga teggan.
Shuningdek, Sherzod Umarov 27-mart kuni soat 12:30 da Namangan shahar Yoshlar majmuasi yonidagi chorrahada velosipedda harakatlanib ketayotgan vaqtida, “VAZ-2106” rusumli avtomashinasida ketayotgan ikki nafar yosh yigitlar yo‘lini to‘sganini bahona qilib, ularni urib, do‘pposlab, voqea joyidan yashiringan. Sud-tibbiyot ekspertizasining xulosasiga ko‘ra, fuqarolarga o‘rtacha va yengil tan jarohati yetkazilgan.
Izoh (0)