Наманган вилоятида қидирувга берилган фуқаро Шерзод Умаров қўлга олинди. У вояга етмаган қизни зўрлаганликда гумонланмоқда.
Маълум бўлишича, мазкур шахс 12 апрель куни Наманган шаҳри Ўзбекистон кўчасида жойлашган яшаш хонадонининг ертўласидан топилган. Ҳозирда унга нисбатан қамоққа олиш тарзида эҳтиёт чораси қўлланган.
Эслатиб ўтамиз, Наманган шаҳри Ўзбекистон кўчасидаги хонадонда яшовчи, 1989 йилда туғилган Шерзод Умаров 1 апрель куни соат 23:30 да “Бобур боғи”дан вояга етмаган қизни такси сифатида уйига олиб бориб қўйишини айтиб, уни номаълум манзилдаги хонадонга олиб бориб, зўрлик ишлатиб, номусига тегган.
Шунингдек, Шерзод Умаров 27 март куни соат 12:30 да Наманган шаҳар Ёшлар мажмуаси ёнидаги чорраҳада велосипедда ҳаракатланиб кетаётган вақтида, “ВАЗ-2106” русумли автомашинасида кетаётган икки нафар ёш йигитлар йўлини тўсганини баҳона қилиб, уларни уриб, дўппослаб, воқеа жойидан яширинган. Суд-тиббиёт экспертизасининг хулосасига кўра, фуқароларга ўртача ва енгил тан жароҳати етказилган.
Изоҳ (0)