“Barselona” prezidenti “Negreyra ishi” yuzasidan UEFA va FIFAga murojaat yo‘lladi

“Barselona” prezidenti Xoan Laporta FIFA va UEFA tashkilotlariga murojaat yo‘lladi. 

Eslatib o‘tamiz, Barselona prokuraturasi klub va uning sobiq prezidentlari Xosep Bartomeu va Sandro Roselga qarshi texnik hakamlar qo‘mitasi sobiq vitse-prezidenti Xose Mariya Anrikes Negreyraga to‘lovlar bo‘yicha korrupsiya bo‘lishi mumkinligi yuzasidan sudga murojaat qilgandi. “Barselona” 2001-yildan 2018-yilga qadar Negreyraga 7,3 million yevro hakamlar hisoboti uchun to‘langanini ma’lum qilgandi. 

Catalunya Radio xabariga ko‘ra, kataloniyaliklar prezidenti Xoan Laporta bu ish yuzasidan UEFA va FIFAga xat yo‘llagan. U ikkala tashkilotdan “Barselona” va uning harakatlariga nisbatan noto‘g‘ri fikr yuritmaslikni so‘ragan. 

Shuningdek, Laporta UEFA prezidenti Aleksander Cheferin va FIFA rahbari Janni Infantinodan “ko‘k-anorranglilar”ga o‘z himoyasi imkon berishi va shu vaqtga qadar bu borada ochiq gapirmaslikni so‘ragan. 

Mavzuga doir: 

• UEFA yozda “Negreyra ishi” bo‘yicha “Barselona” ustidan hukm chiqaradi 
• “Ispan futboli tarixidagi eng yomon voqea”. “Barselona” va “Negreyra ishi” bo‘yicha so‘nggi ma’lumotlar