Zamonaviy dunyoda har kuni eng murakkab ehtiyojlarni qondirish uchun juda ko‘p miqdorda tovarlar paydo bo‘ladi. Ularning ko‘pchiligi haqiqatan ham hayotni yaxshilashi mumkin, ammo boshqalar ko‘pincha vaqt, pul va joy oladi.
Choynak kabi “aqlli” oshxona jihozlari
Yangi texnologiyalar rivojlanishi telefon yordamida toster uchun issiqlik darajasini tanlash va ovoz yordamida qahva qaynatgich uchun kapuchinodagi shakar darajasini o‘zgartirish imkonini beradi. Endi hatto eng oddiy choynakni ham mobil telefondan boshqarish, ovozli yordamchiga ulash va jadvalga muvofiq yoqish mumkin.
Biroq foydalanishning birinchi kunlaridan keyin bunday qurilmalar qiziqarli ko‘rinmay qoladi. Oddiy kundalik odatlarni o‘zgartirish qiyin va ko‘pincha mo‘jizaviy choynak egalari uning super kuchini unutib qo‘yishadi.
Alohida kunlar uchun kombinezon, botfort va boshqa kiyim-kechak hamda poyabzallar
Ko‘pincha moda do‘konining derazasi yonidan o‘tayotganda yoki sevimli saytimizda mavsumiy chegirmani ko‘rib, g‘ayrioddiy narsalarni sotib olgimiz keladi: charm kombinezonlar, botfortlar, ajoyib shakldagi ko‘zoynaklar va boshqalar. Shunga qaramay, bunday xariddan oldin o‘ylab ko‘rish kerak — ehtimol, bir yoki ikki marta kiygandan keyin bu narsalarni shkafga solib qo‘yarsiz. Ular kundalik kiyish uchun emasligi aniq.
Lab uchun skrab
Terini parvarish qilish vositalaridan lab skrabi, ehtimol, eng foydasizidir. Birinchidan, undan foydalanishni unutasiz. Ikkinchidan, tish cho‘tkasi bilan ham bunday natijaga erishish mumkin. Cho‘tka o‘lik terini muloyimlik bilan olib tashlashga va lablarni balzamga tayyorlashga yordam beradi.
Undan ko‘ra SPF filtrli yaxshi krem xarid qilgan ma’qul — terini ultrabinafsha nurlanishidan himoya qilish har doim muhim.
Zamonaviy “hayp” krossovkalar
Mashhur sport brendlari ko‘pincha ular uchun navbatda turadigan hayp narsalarni chiqarishga intilishadi. Bunday yangilikni sotib olganingizdan so‘ng bir necha hafta davomida do‘stlaringiz davrasida e'tiboringizni jalb qilasiz. Ammo bir-ikki oydan keyin shov-shuv susayadi. Katta ehtimol bilan kundalik hayotda kamdan kam hollarda bunday krossovkalarni kiyasiz.
Haykalchalar, sun’iy guldastalar va boshqa bezaklar
Sayohatdan turli xil shirinliklar olib kelamiz. Yoki do‘stlarimiz va hamkasblarimizga bayram uchun sovg‘a sifatida olamiz. Turli xil haykalchalar, magnitlar va boshqa bezaklar xonani yanada jonli va estetik qilishi mumkindek tuyuladi. Biroq bu mahsulotlar kamdan kam hollarda nafislik beradi, qaytaga o‘zida chang to‘playdi va xona interyerini buzadi.
Patchlar
Patchlar reklamasida ularni muntazam ravishda ishlatish qizarish va shishni ketkazadi, terini tortadi va ajinlarni kamaytiradi, deb da'vo qiladi. Biroq internet foydalanuvchilari bu fikrga qo‘shilmaydi. Patchlar berishi mumkin bo‘lgan maksimal narsa oziqlanish va gidratsiyadir. Aslida ulardan hech qanday sehrli ta'sir sezilmagan. Har qanday yaxshi ko‘z geli osongina uning o‘rnini bosishi mumkin, qolgani yuz niqoblari va maxsus kosmetik muolajalar bilan ta'minlanishi mumkin.
“Aqlli” soat
Smartfon va planshetlarning yangi modellari bilan bir qatorda, eng yirik elektronika ishlab chiqaruvchilar har yili bozorga aqlli soatlarning yangidan yangi modellarini olib kirishadi. Zamonaviy modellar nafaqat qadamlarni hisoblabgina qolmay, balki yurak urishi tezligini, uyqu rejimini nazorat qiladi va hatto qon bosimini o‘lchaydi.
Foydali ko‘rinadigan funksiyalarning ko‘pligiga qaramay, bunday qurilma egalari sog‘liqlarini muntazam ravishda kuzatib borishlari dargumon.
Efir moyi
Dorixona yoki do‘konda turli xil yog‘lar — o‘rik, limon, lavanda moylari jozibali ko‘rinadi. Biroq bunday moydan foydalanish oson emas: u xushbo‘y hid tarqatmaydi va allergik reaksiyaga sabab bo‘lish xavfi tufayli teriga surtish uchun har doim ham mos kelavermaydi. Buning o‘rniga teri uchun juda ko‘p foydali ingrediyentlarni o‘z ichiga olgan xushbo‘y krem sotib olgan ma’qul.
Izoh (0)