Ko‘pchilik choyning foydasiga shubha qiladi. Ammo bu ichimlik ming yillar davomida dori tariqasida ichilgan. Marie Claire nashri miya faoliyatini yaxshilashga va yallig‘lanishni yengillashtirishga yordam beradigan uch xil choyning foydali xususiyatlari haqida ma’lumot berdi.
Alsgeymer kasalligi davolab bo‘lmaydigan degenerativ kasallik bo‘lib, kasallik davomida kognitiv qobiliyatlar buziladi: xotira asta-sekin yomonlashadi, vaqt va makonda oriyentatsiya, insonlar va narsalarni tanib olish qobiliyati yo‘qoladi. Bu kasallik 65 yoshdan keyin rivojlanadi, biroq kasallik erta yoshda boshlangan holatlar ham mavjud.
Kasallikning hech qanday davosi yo‘q, biroq sog‘lom turmush tarzini olib borish va miya uchun foydali xususiyatlarga ega oziq-ovqat, ichimliklar iste’mol qilish orqali Alsgeymer kasalligini rivojlanish xavfini sezilarli darajada kamaytirishi mumkin. Bunga uch xil choy yordam berishi mumkin, ular muntazam ravishda iste’mol qilinganda (kuniga 2-4 stakan) kasallikning oldini olish va umuman kognitiv qobiliyatlarning yomonlashuvi uchun ajoyib vosita bo‘lib xizmat qiladi.
Moychechakli choy
“Laboratoriya tadqiqoti moychechak o‘zining antioksidant tarkibi tufayli xotirani yaxshilashga va erkin radikallarni yoqib yuborishga yordam beradi. Shuning uchun u Alsgeymer kasalligining oldini olish uchun foydali bo‘lishi mumkin”, — terapevt-vrach Jill Jenkins intervyusida.
Apigenin va luteolin kabi yallig‘lanishga qarshi birikmalarga boy moychechak miya hujayralarining rivojlanishiga yordam beradi va ular orasidagi aloqalarni mustahkamlaydi.
Na’matakli choy
Na’matak antioksidantlarga boy va miya hujayralarini yallig‘lanishdan himoya qiladi. “Xususan, na’matakning xotira buzilishi bilan bog‘liq bo‘lgan “qorong‘i neyronlar”ning shakllanishini sekinlashtirishi ko‘rsatildi”, — deydi Jenkins.
Na’matakli choy ushbu kasallik tashxisi qo‘yilganlar uchun ham foydali: tadqiqotlar shuni ko‘rsatadiki, ichimlik kasallikdan kelib chiqqan kognitiv buzilish ta’sirini kamaytiradi.
Yalpizli choy
Yalpizning foydali xususiyatlari uning asosiy tarkibiy qismlaridan biri — rozmarin kislotasida yotadi. “Yalpizga kelsak, tadqiqotlar uning miyada Alsgeymer kasalligi bilan bog‘liq bo‘lgan o‘ziga xos oqsillar, amiloid fibrillalarining shakllanishi va cho‘kishiga ta’sirini ko‘rib chiqadi. Yalpizning asosiy tarkibiy qismlaridan biri, rozmarin kislotasi amiloid fibrillalarining shakllanishiga to‘sqinlik qilishi va agar ular miyada mavjud bo‘lsa, “eritib yuborishi” ko‘rsatilgan”, — deydi doktor Jenkins.