Суперлига. “Насаф” Бухорода ғалаба қозонди, “ОКМК” сафарда “Олимпик”ни таслим этди

Футбол бўйича Ўзбекистон Суперлигасининг 3-туридан ўрин олган икки ўйин 17 март, жума куни бўлиб ўтди.

“Олимпик” ўз майдонида “ОКМК”га қарши баҳс олиб борди. Учрашувнинг биринчи бўлимида ҳисоб очилмади. Иккинчи бўлим бошида Сияваш Ҳақназарий олмалиқликларга ғалаба келтирган гол муаллифига айланди.

Ушбу ғалабадан кейин “ОКМК” очколарини 6 тага етказиб олган ҳолда учинчи ўринга кўтарилди. “Олимпиячилар” 4 очко билан 6-поғонани эгаллаб турибди.

Яна бир ўйин “Бухоро” ва “Насаф” жамоалари ўртасида кечди. Ўйинда ҳисоб 53-дақиқага келиб очилди: Ҳусниддин Алиқулов қаршиликларни олдинга олиб чиқди. Қолган вақтда ҳисоб ўзгармади.

“Насаф” ҳам очколарини 6 тага етказиб, 5-ўринга кўтарилди. “Бухоро” ҳисобида 3 очко мавжуд.

Суперлига

3-тур баҳслари

17 март, жума

“Олимпик” – “ОКМК” 0:1

Гол: 0:1 – 55 Ҳақназарий.

“Олимпик”: 13.Ҳамидулло Абдунабиев, 2.Саидазамат Мирсаидов, 4.Одил Абдумажидов, 5.Шаҳзод Тоиров, 6.Беҳзод Шамсиев (18.Сардор Маҳмудов, 90+3), 23.Абдурауф Бўриев, 21.Муҳаммадазиз Иброҳимов, 10.Фаррух Мухторов (8.Нодир Абдихолиқов,63), 11.Отабек Жўрақўзиев, 37.Алишер Одилов (77.Рустам Азимов, 63), 7.Руслан Жиянов.

“ОКМК”: 25.Валижон Раҳимов, 7.Дилшод Аҳмадалиев, 3.Сардор Раҳмонов, 8.Абдулла Абдуллаев, 5.Анзур Исмоилов, 29.Виталий Денисов (2.Акром Комилов, 46), 17.Санжар Турсунов (15.Ойбек Рустамов,76), 88.Сиаваш Хақназарий (9.Рубен Санчес,90+1), 11.Иракли Руҳадзе (10.Хуршид Ғиёсов,46), 22.Шоҳрух Гадоев, 27.Мартин Боаке (14.Миржаҳон Мираҳмадов,86).

Огоҳлантиришлар: Бўриев (2), Денисов (13), Мартин Боаке (23), Анзур Исмоилов (50), Мирсаидов (66), Мираҳмадов (90+5), Раҳимов (90+6), Раҳмонов (90+7.)

“Бухоро” – “Насаф” 0:1

Гол: 0:1 – 53 Алиқулов.

“Бухоро”: 13.Никола Стошич, 7.Жасур Азимов, 10.Ҳумоюнмирзо Иминов, 15.Обид Жўрабоев, 16.Жасур Ҳасанов (11.Темур Исмоилов, 57), 17.Жамолиддин Убайдуллаев (9.Александр Касян, 74), 22.Рўзимбой Аҳмедов, 25.Аббос Отахонов, 27.Ихтиёр Тошпўлатов, 77.Файзулло Жуманқўзиев (28.Соҳиб Муҳаммадиев, 88), 80.Фаррух Ибрагимов (88.Всеволод Нихаев, 46)

“Насаф”: 35.Абдувоҳид Неъматов, 4.Ҳусниддин Алиқулов, 5.Ғолиб Ғайбуллаев, 7.Акмал Мозговой, 9.Жавоҳир Сиддиқов (30.Азиз Холмуродов, 80), 17.Суҳроб Нуруллоев (2.Алибек Давронов, 80), 28.Шуҳрат Муҳаммадиев, 34.Шерзод Насруллаев, 77.Ойбек Бозоров, 92.Умар Эшмуродов, 99.Азиз Омонов.

Огоҳлантиришлар: Азизбек Амонов (9), Жасур Азимов (26).