Italiyadan 6 ta, Angliyadan 4 ta va Ispaniyadan 2 ta vakil Yevrokuboklarning 1/4 finalida ishtirok etadi

Futbol bo‘yicha Chempionlar Ligasi, Yevropa Ligasi va Konferensiyalar Ligasining chorak final ishtirokchilari nomi ma’lum bo‘ldi.

Unga ko‘ra, 6 ta italyan klubi Yevrokuboklar chorak finalida ishtirok etadi. “Napoli”, “Milan” va “Inter” YCHLda Italiya sharafini himoya qilsa, “Yuventus” va “Roma” Yevropa Ligasida harakat qiladi. Shuningdek, “Fiorentina” Konferensiyalar Ligasi 1/4 finaliga yo‘l oldi.

Angliyaning esa 4 ta jamoasi (“Chelsi” va “Manchester Siti” YCHLda, “Manchester Yunayted” YLda va “Vest Hem” Konferensiyalar Ligasi) Yevrokuboklarda o‘z kurashini davom ettirmoqda. “Belgiya”dan esa 3 ta jamoa (“Yuniyon”, “Gent” va “Anderlext”) 1/4 finalga yo‘l oldi. Germaniya (“Bavariya” va “Bayer”), Ispaniya (“Real” va “Sevilya”), Niderlandiya (“Feyenoord” va “AZ”) hamda Portugaliyadan (“Benfika” va “Sporting”) ikkitadan vakil ushbu bosqichda o‘ynaydi. Shveysariya (“Bazel”), Fransiya (“Nitssa”) va Polshadan (“Lex”) bittadan vakil o‘z ishtirokini davom ettiradi.