Yevropa Ligasi. “Manchester Yunayted” va “Yuventus” g‘alaba qayd etgan holda chorak finalga chiqdi. “Shaxtyor” o‘z darvozasidan 7 ta to‘p olib chiqdi

Futbol bo‘yicha Yevropa Ligasining 1/8 final javob bahslari doirasidagi qator o‘yinlar 16-mart, payshanba kuni bo‘lib o‘tdi.

“Manchester Yunayted” safarda “Betis”ga qarshi bahs olib bordi. Ikkinchi bo‘lim boshida Markus Reshford tomonidan kiritilgan to‘p o‘yinda yagonaligini saqlab qoldi. Dastlabki o‘yinda ham ingliz klubining qo‘li baland kelgandi.

“Yuventus” ham g‘alabani qo‘lga kiritdi. Dushan Vlahovichning penaltidan urgan goli va Federiko Kyeza tomonidan urilgan gol Turin klubiga keyingi bosqich eshiklarini ochdi.

Parallel o‘yinlarda “Feyenoord” o‘zida “Shaxtyor” darvozasiga 7 ta gol urdi. “Sevilya” safarda “Fenerbahche”ga yutqazgan bo‘lsa-da, dastlabki o‘yindagi g‘alaba evaziga chorak final yo‘llanmasini qo‘lga kiritdi.

Yevropa Ligasi

1/8 final bahslari

16-mart, payshanba

“Betis” (Ispaniya) – “Manchester Yunayted” (Angliya) 0:1

Gol: 0:1 – 55 Reshford.

“Betis”: Ruy Silva, Sabali, Pesselya, Edgar Gonsales, Abner (Miranda, 26), Ruibal (Kanales, 59), Xoakin (Iglesias, 59), Vilyam Karvalyu, Rodriges (Guardado, 66), Xuanmi, Peres (Villian Joze, 59).

“Manchester Yunayted”: De Xea, Uan-Bissaka (Diogu Dalot, 75), Maguayr, Martines (Lindelyof, 75), Malasia, Kazemiro, Fred (Zabitser, 60), Brunu Fernandesh (Elanga, 68), Pelistri, Vegorst, Reshford (Sancho, 60).

Ogohlantirish: Pelistri (29).

Dastlabki bahs – 1:4

“Frayburg” (Germaniya) – “Yuventus” (Italiya) 0:2

Gollar: 0:1 – 45, penalti Vlahovich, 0:2 – 90+5 Kyeza.

“Frayburg”: Flekken, Sildiyya, Gulde, Ginter, Kyubler, Gyunter (Vaysxaupt, 74), Hefler, Eggeshtayn (Shmidt, 46), Gregorich (Petersen, 74), Xeler (Grifo, 62), Doan (Shallai, 62).

“Yuventus”: Shensni, Danilo, Bremer, Gatti, Kuadrado (De Shilyo, 85), Kostich (Ayling, 71), Rabyo, Lokatelli (Barrenechea, 84), Fajoli, Kin, Vlahovich (Kyeza, 70).

Ogohlantirishlar: Gulde (26), Vlaxovich (56), Ayling (82), Shallai (87).

Chetlatish: Gulde (44).

Dastlabki bahs – 0:1

“Feyenoord” (Niderlandiya) – “Shaxtyor” (Ukraina) 7:1

Gollar: 1:0 – 9 Ximenes, 2:0 – 24 Kekchyu, 3:0 – 38, penalti Kekchyu, 4:0 – 49 Idrissi, 5:0 – 60 Idrissi, 6:0 – 64 Jahonbahsh, 7:0 – 66 Danilo, 7:1 – 87 Kelsi.

Dastlabki bahs – 1:1

“Fenerbahche” (Turkiya) – “Sevilya” (Ispaniya) 1:0

Gol: 1:0 – 41, penalti Valensiya.

Dastlabki bahs – 0:2