Janubiy Koreya U-20 terma jamoasi bosh murabbiyi Kim Yon Chun U-20 Osiyo Kubogi yarim finali doirasida O‘zbekistonga qarshi o‘yindagi (0:0, 1:3) mag‘lubiyatdan keyin o‘z fikrlari bilan o‘rtoqlashdi.
O‘yin haqida
Birinchi navbatda O‘zbekiston terma jamoasini tabriklayman. Qo‘limizdan kelgan eng yaxshi o‘yinni ko‘rsatdik, afsuski omad kulib boqmadi. Biz har bir o‘yinda g‘alaba qozonishga harakat qilamiz, bugungi uchrashuv ham bundan mustasno emas.
O‘tgan o‘yinga nisbatan o‘zgarishlar bo‘lgani borasida
O‘tgan o‘yindagi tarkibni biroz o‘zgartirdim, chunki ular 120 daqiqa o‘ynagan edi. Yangi o‘yinchilarni maydonga tushirishga qaror qildim. Bugun asosiy tarkibda maydonga tushgan o‘yinchilar ham yaxshi harakat qildi va ulardan minnatdorman.
Penaltilar seriyasi startidagi muvaffaqiyatsizlik haqida
O‘tgan matbuot anjumanida aytib o‘tganimdek, ko‘p o‘yinchilar muxlislar bilan to‘lib toshgan stadionda o‘ynamagan va shu sabab ularda biroz hayajon bor edi. Ular hali juda yosh va o‘ylaymanki, bu o‘yindan saboq oladi.
Musobaqaning tashkiliy ishlari borasida
Ovqatlanish, mehmonxona, maydonlar va transport juda yaxshi tashkil etilgan. Men noliydigan narsa ko‘rmadim. Mashg‘ulot maydonlarining sifatini yaxshilasa bo‘ldi deb o‘ylayman. Muxlislar yaratgan muhitdan yaxshi ma’noda hayratlandim.
Jahon chempionati va Osiyo Kubogidagi o‘yin darajasi farqi haqida
Osiyo mintaqasidagi terma jamoalar deyarli bir xil darajada, Jahon chempionatida esa bunday emas. Biz dunyo birinchiligida yaxshi o‘yin namoyish etib, Koreya sha’nini himoya qilishimiz kerak.
Kim Yon Chun, Janubiy Koreya U-20 terma jamoasi bosh murabbiyi
Izoh (0)