Мадриднинг “Реал” клуби афсонаси Рауль яқин келажакда клубни бошқариши мумкин.
AS нашрининг хабарига кўра, собиқ футболчи “Реал”да Карло Анчелоттининг ўрнини эгаллаши кутилмоқда. Италиялик мутахассиснинг мадридликлар билан амалдаги шартномаси 2024 йилда ўз ниҳоясига етади. Аввалроқ Анчелоттига Бразилия футбол конфедерацияси қизиқиш билдираётгани хабар қилинганди.
Ҳозирда Рауль “Кастиля”ни бошқармоқда ва жамоа Испаниянинг учинчи дивизионида 4-ўринни эгаллаб турибди. Мураббийнинг “Реал” тизимида ишлаётгани ҳам раҳбарият қўрқмасдан унга ишонч билдиришига сабаб бўлиши мумкин.
“Қаймоқранглилар” сўнгги вақтларда клубга алоқадор мутахассисларни олиб келаётганди. Фақатгина Анчелотти бундан мустасно.
Раулнинг ўзи ҳам бу чақириққа тайёрлигини билдирган. Сўнгги сўз Флорентино Пересда қолмоқда.
Изоҳ (0)