Kristina Richchi “Addamslar oilasi” filmidagi ajoyib ijrosidan so‘ng mashhur bo‘lib ketdi. U Uenzdey rolini o‘ynaganida atigi 11 yoshda edi. Ko‘rinishidan, aktrisani yorqin karyera kutayotgandi. Lekin nima uchun Kristina Gollivud yulduzi bo‘la olmadi?
Shunday qilib, “Addamslar oilasi” Kristinaning karyerasi uchun ajoyib tramplin bo‘ldi. Aktrisa 90-yillarda juda ko‘p rol o‘ynagan. Taniqli asarlar orasida arvoh haqidagi “Kasper” va, albatta, Tim Bertonning “Uyqu bo‘shlig‘i” filmini eslash mumkin.
“Uyqu bo‘shlig‘i” tijoriy muvaffaqiyat va tanqidchilar e’tirofiga sazovor bo‘ladi. Richchi Katrina Van Tassel roli uchun “Saturn” mukofotiga sazovor bo‘ladi. Keyingi 5 yil Kristina uchun shon-shuhrat yillari bo‘ladi: aktrisa mashhur teleko‘rsatuvlarga chaqiriladi va kino tanqidchilari uning mahorati haqida maqtovli sharhlar yozadilar. Karyerasi ko‘tarilayotgani sari tashvishli kunlar ham boshlangandi.
Birinchi muammo shundaki, Kristina munozarali loyihalarda ishtirok etgan. Bunday filmlar xuddi o‘sha "Uyqu bo‘shlig‘i" kabi ommaviy tomoshabinlar uchun mo‘ljallanmagan. Zamonaviy so‘z bilan aytganda, Richchi xit filmlarda rol o‘ynamagan.
Misol uchun, Kristina maktab yoshidagi o‘smirlar uchun “Qovoqcha” nomli sevgi haqidagi komediya suratga oladi va o‘zi ham rol o‘ynaydi. Bu nogiron yigit va omadli sohibjamol o‘rtasidagi munosabatlar haqida film. Bir kinotanqidchi shunday deb yozgan edi: “Richchi xavf tomon qo‘rqmasdan suzadi”.
Kristina o‘z faoliyatida duch kelgan ikkinchi muammo unchalik jiddiy emas. Qiz bir obrazga yopishib qolgan. Aftidan, rejissorlar ham, prodyuserlar ham Richchini dahshatli filmlardagi qiz bilan qattiq bog‘lashgan. Ehtimol, hozirgi vaziyat aktrisani noodatiy rollarni sinab ko‘rishga undagandir.
Shunday qilib, rejissorlar Richchini sochlari o‘rilgan ma’yus qiz rolida ko‘rishdi. Bundan tashqari, aktrisaning bo‘yi atigi 155 sm — kadrda hatto ulg‘ayganda ham kichkina ko‘rinardi. Kristinaning o‘zi bo‘yi tufayli hech qachon katta yulduz bo‘laman deb o‘ylamaganini aytadi: “Men odatda kamerada juda kichkina ko‘rinaman”.
Albatta, Gollivudda undan boshqa bo‘yi past aktrisalar ham bor. Masalan, Riz Uizerspun va Xolli Hanter. Ammo bu qizlar ham jiddiy dramatik rollarni o‘ynash uchun juda yoqimtoy deb hisoblangan va ular bunday emasligini isbotlashlariga ko‘p marotaba to‘g‘ri kelgan.
“Uenzdey filmi” aktyorlari suratida ham Kristinaning chindan ham past bo‘yli ekanligi yaqqol ko‘rinib turibdi. U Jenna Orteganing yonida (ikkalasi ham markazda), uning bo‘yi, ommaviy axborot vositalariga ko‘ra, 155 sm.
Muvaffaqiyatsizliklarning yana bir sababi, o‘sha yillardagi kino sanoatining qattiq me’yorlari bo‘yicha Kristina unchalik ham jozibali emasligi edi. Gollivudda nozik va baland bo‘yli go‘zallar qadrlangan.
Kristinaning karyerasiga uning shaxsiy hayoti ham ta’sir qilgan deb taxmin qilish mantiqan to‘g‘ri, chunki ma’lum bo‘lishicha, aktrisa erining qo‘llab-quvvatlashiga ishonmaydi. U 2013-yilda Jeyms Xirdegenga turmushga chiqadi va Freddi ismli o‘g‘il ko‘radi. Keyin kutilmaganda Richchi ajrashish uchun ariza beradi.
Muxlislarni aktrisaning 7 yillik zo‘ravonlikdan keyin turmushidan qochib ketgani haqidagi xabar hayratda qoldiradi. Uning eri tahdid qilardi va Kristina undan juda qo‘rqar, uydagi barcha pichoqlarni yashirib, o‘g‘li bilan xonasiga qamalib olardi. Oilaviy hayot shu qadar dahshatli ediki, ajrashish jarayoni davom etayotganda politsiya Jeymsga xotini va o‘g‘li bilan har qanday aloqa qilishni taqiqlaydi.
Barcha ko‘rgulikga qaramay, Richchi unga achinishlarini xohlamaydi. Aktrisa buni shunday tushuntiradi: “O‘zimni qurbondek his qilmayman. Men o‘zimga achinmayman. Men qiyin kunlarni boshdan kechirdim, demoqchi ham emasman. Qiyin vaziyatdan chiqib, yengib o‘tganim uchungina hayotimni gapirib beraman”.
Kristina ajrashgach, yaxshi odam bilan tanishdi. Uning sevgilisi sartarosh Mark Xempton edi. Ular turmush qurishdi va 2021-yil dekabr oyida er-xotin farzandli bo‘lishdi. Aktrisa 41 yoshida qiz farzandli bo‘ldi. Yangi nikohi haqida Kristina shunday deydi: “Men birinchi marta sog‘lom munosabatda bo‘lishim mumkin”.
Aktrisa qiziga Kleo deb ism berdi, to‘liq ismi — Kleopatra Richchi Xempton. Ijtimoiy tarmoqlarda aktrisa ikkinchi eri bolalar bilan o‘ynayotgan ajoyib Rojdestvo fotosurati bilan bo‘lishdi.
Ko‘rinishidan, Kristina o‘zining shaxsiy hayotida ikkinchi imkoniyatga ega bo‘lgan. U travmatik munosabatlardan chiqishga muvaffaq bo‘ldi, karyerasi ham yuqoriga ko‘tarildi. Aktrisa endi “ma’yus” obraziga qarshi chiqmoqchi emas: u o‘z rolini qabul qildi va undan faqat foyda oldi. Zero aynan dahshatli rollari Richchiga katta shuhrat va ommaning muhabbatini olib kelgan.
2022-yil oxirida “Uenzdey” serialining remeyki chiqdi. Yangi loyihada aktrisa eksantrik va makkor botanika o‘qituvchisi sifatida qayta tug‘ildi.
Izoh (0)