Dunyoda bandlik va mehnat sharoitlariga kirishda gender nomutanosibligi ilgari o‘ylanganidan ham kattaroq bo‘lib chiqdi va so‘nggi yigirma yil ichida uni qisqartirish bo‘yicha biroz ozgina muvaffaqiyatga erishildi. Bu haqda Xalqaro mehnat tashkiloti (XMT) hisobotidan ma’lum bo‘ldi.
XMT tomonidan ishlab chiqilgan yangi ko‘rsatkichga ko‘ra, ayollarning ish joyiga ega bo‘lishi, mehnat sharoiti, ayollar va erkaklar o‘rtasidagi ish haqi farqlari so‘nggi yigirma yil ichida deyarli o‘zgarmagan.
XMT Birlashgan Millatlar Tashkilotining ixtisoslashgan muassasasi bo‘lib, mehnat munosabatlarini tartibga solish bilan shug‘ullanuvchi xalqaro tashkilotdir. Yangi ko‘rsatkich ish topishga qiziqqan barcha ishsizlarni qamrab oladi.
Shaxsiy va oilaviy majburiyatlar, shu jumladan haq to‘lanmaydigan parvarishlash ishlari ayollar va erkaklarga nomutanosib ravishda ta’sir qiladi. Bu esa ayollarga nafaqat ish topishga, balki faol ish qidirishga yoki qisqa vaqt ichida unga tayyor bo‘lishga to‘sqinlik qilishi mumkin.
Ishsiz deb hisoblanish uchun siz ushbu mezonlarga javob berishingiz kerak, shuning uchun ishga muhtoj bo‘lgan ko‘plab ayollar ishsizlik ko‘rsatkichlarida aks etmaydi, — deb tushuntiradi XMT.
Yangi ma’lumotlar shuni ko‘rsatadiki, ayollarga hali ham erkaklarga qaraganda ish topish qiyinroq.
Dunyodagi mehnatga layoqatli ayollarning 15 foizi ishlashni xohlaydi, lekin ular ishsizlar. Erkaklar esa 10,5 foiz. Bu gender tafovuti yigirma yil davomida (2005—2022) deyarli o‘zgarmagan, — deyiladi XMT hisobotida.
Rivojlanayotgan mamlakatlarda bu ko‘rsatkichlar mos ravishda 24,9 foiz va 16 foizni tashkil qiladi.
XMT statistik ma’lumotlariga ko‘ra, global miqyosda erkaklar tomonidan ishlab topilgan har bir dollar mehnat daromadi uchun ayollar 51 sent oladi.
Izoh (0)