Andijon viloyati Qo‘rg‘ontepa tumanida 14-fevral kuni kuchli ta’sir qiluvchi dorilarni sotayotgan guruh ushlandi. Bu haqda viloyat IIB axborot xizmati xabar berdi.
Qayd etilishicha, Ichki ishlar boshqarmasi Tezkor qidiruv xizmati Jinoyat qidiruv boshqarmasi hamda tuman ichki ishlar bo‘limi xodimlari bilan hamkorlikda tezkor tadbir o‘tkazilgan.
Unda tumanda yashovchi K.J. va X.Sh. hamda Qirg‘iziston fuqarosi T.A. birgalikda Qirg‘izistondan ko‘p miqdordagi kuchli ta’sir etuvchi dori vositalarini kontrabanda yo‘li bilan olib o‘tgani aniqlangan.
Guruh a’zolarini xolis xaridorga 1020 dona “Tropikamid” kuchli ta’sir etuvchi dori vositasini 9 ming dollarga sotayotganida qo‘lga olingan. Hozirda mazkur holat yuzasidan tergovga qadar surishtiruv ishlari olib borilmoqda.
Izoh (0)