Ўзбекистон ташқи ишлар вазирининг биринчи ўринбосари Фурқат Сиддиқов Ўзбекистоннинг АҚШдаги элчиси этиб тайинланиши кутилмоқда. Бу ҳақда “Дарё” манбаси хабар берди.
Қайд этилишича, Олий Мажлис сенатининг 2 март куни бўлиб ўтадиган ўттиз иккинчи ялпи мажлисида дипломатни янги лавозимга тасдиқлаш масаласи кўриб чиқилади.
Фурқат Аҳмедович Сиддиқов 1971 йил 7 февраль куни Тошкент шаҳрида туғилган. 1993 йилда Тошкент давлат техника университетини тамомлаган. Меҳнат фаолиятини UzDaewoo Electronics қўшма корхонаси катта мутахассиси сифатида бошлаган.
2015—2020 йилларда Ўзбекистоннинг Покистондаги фавқулодда ва мухтор элчиси, 2020—2022 йилларда ташқи ишлар вазирининг ўринбосари лавозимларида фаолият юритган. У 2022 йилнинг 14 ноябридан бери ташқи ишлар вазирининг биринчи ўринбосари вазифасида ишлаб келмоқда.
Изоҳ (0)