Xiaomi kompaniyasi Mix Flip 2 buklama smartfoni va Smart Band 10 fitnes bilaguzugini taqdim etdi, shuningdek, kutilmagan AI Glasses aqlli ko‘zoynaklari taqdimoti bilan hayratda qoldirdi. Ular tibbiy linzalarni o‘rnatishni qo‘llab-quvvatlaydi, bu esa ularni nafaqat gadjet, balki ko‘rishni yaxshlishning to‘laqonli vositasiga aylantiradi.
Qurilmaga 12 megapikselli Sony IMX681 kamerasi o‘rnatilgan bo‘lib, u soniyasiga 30 kadr tezlikda 2K formatida video yozib olish imkoniyatiga ega. U ovoz bilan ishga tushadi. Yana bir juft dinamika va 40 km/soat tezlikda shamolni bostirish funksiyasiga ega oltita mikrofon mavjud.
Xiaomi AI Glasses’ni “yangi avlod shaxsiy aqlli gadjeti” sifatida taqdim etadi. Kompaniyaning hammuassisi va bosh direktori Ley Szyunning ta’kidlashicha, ko‘zoynaklar birinchi shaxs nomidan video yozib olishi va ovozli buyruqlarni bajarishi mumkin — bu funksiyalar allaqachon bunday qurilmalar uchun standartga aylangan.
Ichki AI imkoniyatlari orasida: real vaqt rejimida obyektlarni aniqlash va ovozli yordamchi bilan muloqot qilish ham mavjud. Masalan, qurilma o‘simlik turini aniqlashi, taomdagi kaloriyani hisoblashi yoki kapibaralar nima bilan oziqlanishini tushuntirishi mumkin. Yana bir funksiya simsiz quloqchinlardan foydalanmasdan qo‘ng‘iroq qilish, musiqa tinglash va bildirishnomalar olish imkoniyatini o‘z ichiga oladi.
Xiaomi AI ko‘zoynaklari uch xil rangda, jumladan, yarim shaffof gardishda mavjud bo‘lib, boshlang‘ich narxi 280 dollarni tashkil etadi. Ular allaqachon Xitoyda sotuvga chiqarilgan.
Izoh (0)