Bir yarim yildan buyon Toshkentdagi gemotologiya markazida davolanayotgan urganchlik Amirbek Bekberganovning onasi Zuhra Alimova “Mehridaryo” loyihasiga murojaat qilib, xalq koʻmagiga muhtoj ekanini birdirdi.
— 2021-yilning oktabr oyida oʻgʻlim Amirbekda oqqon xastaligi aniqlandi. Bir yildan buyon Respublika gemotologiya markazida davolanib kelayapti. Shifokorlar yordami bilan ahvoli ancha yaxshilangandi, ammo may oyida yana qaytalandi. Shundan soʻng shifokorlar kimyoterapiya boshlash kerakligini aytdi. Sakkiz marta kimyoterapiya amaliyotini olganimizdan soʻng tahlillarni Hindistonga joʻnatdik. Shundan soʻng oʻgʻlimga donasi 1200 AQSh dollari turadigan doridan bir kurs olishi kerakligini aytishdi. Bu dori kasalxonadan berilmagani uchun oʻzimiz sotib olishimiz kerak. Chorva mollarimizni sotib hozircha 3 ta olib, apparat yordamida oʻgʻlimga joʻnatishyapti. Bu doridan jami 8 ta olishimiz kerak.
Yangi yil bayrami oldi farzandim jonlantirish boʻlimiga tushib qoldi. Uni yoʻqotib qoʻyishdan juda qoʻrqdim. U holatimni soʻz bilan tasvirlab berolmayman. Tinimsiz ogʻriqlar boʻladi, ishtahasi yoʻq, baʼzan gapirishga ham holi boʻlmaydi.
Amirbek yolgʻiz farzandim. Ikki farzandimni tuproqqa qoʻyganman. Bu gaplarni aytish men uchun juda ogʻir. Ammo farzandimning sogʻayib ketishi uchun bor imkoniyatdan foydalanishimiz kerak. Yaxshi insonlar koʻp, ishonamanki ular, albatta, yordam berishadi. Imkoniyati bor insonlar oʻgʻlimning sogʻayib ketishiga sababchi boʻlinglar. Haqqiga duo qilib, sogʻayib ketishini soʻranglar, — deydi bemorning onasi Zuhra Alimova.
Bekberganov Amirbekga xayriya qilish istagida boʻlsangiz,
Izoh (0)