O‘pka saratoni bilan kurashayotgan yigit xalqdan yordam so‘ramoqda (video)

Jahongir Oʻktamov “Mehridaryo” loyihasida ishtirok etish uchun Toshkent viloyatidan keldi. Unga shifokorlar tomonidan oʻpka saratoni tashxisi qoʻyilgan. Endigina yigirma ikki yoshni qarshilagan Jahongir Oʻktamov sogʻayib ketishiga umid qilmoqda. 

— 2021-yilning dekabr oyida kuchli yoʻtal bezovta qildi. Bir oyga qadar uy sharoitida davolanishga harakat qildim. Natija yaxshi boʻlmagach, shifokorlar qon tahlillari topshirishimni va jiddiy tekshiruvdan oʻtishim kerakligini aytdi. Tahlil natijalariga koʻra, menda oʻpka saratoni aniqlandi. Shifokorlar zudlik bilan kimyoterapiyani boshlash kerakligini aytishdi. 2022-yilning mart oyidan boshlab 12 marta kimyoterapiya oldim. Oltinchi marotaba olingan kimyoterapiyadan keyin oʻsimda 11 sm dan 6,3 sm ga qisqardi. Bundan juda xursand boʻlgandik. Afsuski, qandaydir sabablarga koʻra, oʻsimta yana oʻsa boshladi.

Shukrki, hozir ahvolim biroz bo‘lsa-da yaxshi. Ammo shifokorlar muolajani toʻxtatmaslik kerakligini aytishyapti. Kimyoterapiya davlat tomonidan qilingani bilan dori-darmonlarini o‘zimiz sotib olamiz. Bitta kimyoterapiyaning dori-darmonlari 5-7 million soʻm turadi.

Mendan keyingi ukam yurak xastaligi bilan dunyoga kelgan. Ikki bemor bolani davolatish oila aʼzolarimga oson kechayotgani yoʻq. Shu bois saxovatpesha insonlardan koʻmak soʻramoqchiman. Koʻnglim sezib turibdi, yaqin kunlarda sogʻayib ketaman. Buning uchun siz azizlarning yordamingiz kerak. Alloh qodir qilgancha moddiy koʻmak bering. Agar imkoningiz boʻlmasa, haqqimga duo qiling. Men ham sogʻayib sizlardek qoʻli ochiq, saxovatli inson boʻlmoqchiman, — deydi Jahongir Oʻktamov.

Bemor yigitga moddiy koʻmak berishni istagan insonlar uchun uning karta raqamini qoldiramiz.

8600 0201 3526 8600
Oktamov Jaxongir

Murojaat uchun: +998 90 944 50 97

Loyihada ishtirok etish uchun @mehridaryo_aloqabot’ga murojaat qilishingiz mumkin.