“Mehridaryo” loyihasining navbatdagi qahramoni Toshkent viloyatining Oqqo‘rg‘on tumanidan tashrif buyurdi. Endigina 12 yoshni qarshilagan Jonimurod Jamilov bir necha yilda buyon oqqon xastaligi bilan kurashadi. Onasi Mavluda Annayevaning so‘zlari ko‘ra, oila moddiy jihatdan nochor ahvolga kelib qolgan va farzandining sog‘ayishi uchun xalqning yordami kerak.
— Uchta o‘g‘il farzandim bor. Kenjatoyim Jonimurod 7 yildan buyon oqqon kasalligi bilan kurashmoqda. O‘g‘limning sog‘ayib ketishi uchun uyimizdagi bor narsalarni sotdik. Uning ahvoli ancha yaxshilangandi, afsuski, 20-yanvar kuni birdan salomatligi yana yomonlashdi.
O‘zim hech qayerda ishlolmayman, chunki o‘g‘limning hamisha yonida bo‘lishim kerak. Xo‘jayinim avvallari ishlardi. Ammo o‘g‘lining kasal bo‘lganligidan keyin kuchli depressiyaga tushib, ichkilikka ruʼju qo‘ydi. Hozirgi kunda Angren tumanidagi norkologiya dispanserida majburiy davolanmoqda. Biz esa salkam bir oydan beri Respublika bolalar gemotologiya markazida davolanyapmiz.
Shifokorlar kimyoterapiya olishimiz kerakligini aytdi. Muolajalar bepul bo‘lgani bilan dorilarni o‘z hisobimizdan sotib olishimiz kerak. Hozircha 700 AQSh dollarlik doridan ikkita olishimiz va kimyoterapiyani boshlashimiz kerakligini aytishdi. Ammo uncha pul menda yo‘q. Agar turmush o‘rtog‘im ishlab pul yetkazib turganida ham xalqdan yordam so‘ramagan bo‘lardim.
O‘g‘limning ahvoli ancha yaxshilangan edi. Maktabda sinf sardori bo‘lib o‘qiyotgandi. O‘qishlari aʼlo, katta bo‘lsa tadbirkor bo‘lishni va og‘ir xastalikka chalingan bolalarga xayriya qilishni orzu qiladi.
Yaxshi insonlar menga yordam qiling. O‘g‘limning sog‘ayib ketishi uchun yordamlaringizni ayamang, — deydi Mavluda Annayeva.
Jonimurod Jamilovga xayriya qilishni istasangiz,
8600 0610 3063 5931 (Annayeva Mavluda)
Murojaat uchun: (93) 606-46-77
Izoh (0)