Yevropa Ittifoqining tashqi ishlar va xavfsizlik siyosati bo‘yicha oliy vakili Jozep Borrel Ukrainadagi urushning bir yilligi munosabati bilan bayonot berib, Rossiyaning beqarorlashtiruvchi harakati Markaziy Osiyo mamlakatlariga ham global tahdid ekanini ta’kidladi.
Borrelning so‘zlariga ko‘ra, 2022-yil 24-fevral Rossiyaning Ukrainaga noqonuniy bostirib kirishni boshlagan kun sifatida abadiy esda qoladi. Yadroviy qurolga ega davlat va Xavfsizlik Kengashining doimiy a’zosi tomonidan noqonuniy kuch ishlatishi “normallashtirilgan” dunyoda hech kim xavfsiz emasligini anglatadi.
“Rossiya har kuni BMT nizomini buzib, imperialistik siyosat bilan dunyo uchun xavfli presedent yaratmoqda. Begunoh ukrainaliklarni o‘ldirib, mamlakatga raketalar yog‘dirmoqda. Rossiya yolg‘on va uydirma tarqatishda davom etmoqda. YI “uch qismdan iborat strategiya”: Ukrainani qo‘llab-quvvatlash, Rossiyaga noqonuniy ‘agressiyasini’ to‘xtatishda, bosim o‘tkazishda davom etmoqda”, — deydi YI rasmiysi.
Siyosatchi Rossiyadan qazib olinadigan yoqilg‘iga bo‘lgan qaramlik to‘xtatilgani, Kremlning energiya daromadi 50 foizga qisqartirilgani, Qora dengiz g‘alla tashabbusi tufayli yengillashtirilganini qayd etdi. Ukrainaning Yevropa Ittifoqiga qo‘shilish so‘roviga ijobiy javob berishilishini bildirdi.
“Rossiya sodir etgan harbiy jinoyatlari uchun javobgarlikni ta’minlash ustida ishlayapmiz. Umumiy maqsadimiz – demokratiya hukmronlik qiladigan Ukrainada bosqinchini quvib chiqarish, mamlakatning to‘liq suverenitetini va xalqaro qonuniylikni tiklashdir”, — ta’kidladi Borrel.
Shuningdek, YI rasmiysi Rossiyaning harakatlari Markaziy Osiyoga ham ta’sir qilishi va bu galobal tahdidga sabab bo‘lishini ma’lum qildi.
“Rossiyaning tajovuzkor revizionizmi va uning beqarorlashtiruvchi harakatlari Markaziy Osiyo mamlakatlariga ham ta’sir qiluvchi global tahdiddir. O‘tmishni qo‘zg‘atishga urinayotgan Rossiya tashviqot mashinasining ta’sirini, axborotni manipulyatsiya qilish va chet el aralashuvi bo‘yicha sanoat miqyosidagi harakatlarni ko‘rdik. Shu uchun YI bu tahdidga qarshi kurashmoqda. Rossiya istilosi Yevropa va Markaziy Osiyo uchun haddan tashqari qaramlikdan qochish zarurligini ta’kidladi. Shuning uchun hamkorligimizni kuchaytirishimiz kerak”, — dedi Jozep Borrel.
Siyosatchi Yevropa va Markaziy Osiyo barqaror va ochiq jamiyatlarni ilgari surishdan birgalikda manfaatdorligi; barqaror tiklanish va yashil o‘tishni ta’minlash; fuqarolarni terrorizm, giyohvand moddalar, qurol va odamlar savdosi kabi xavfsizlikka tahdidlardan himoya qilishimiz kerakligini bildirdi. Bundan tashqari, Yevropa Ittifoqi mintaqani aloqa va hamkorlik uchun ochiq maydon sifatida saqlab qolmoqchi.
Izoh (0)