Olimlar 1997-yilda Braziliyaning Serra-da-Kapivara milliy bog‘idagi qabristonda aniqlangan ayolning bosh suyak shakli va o‘lchamini o‘rganib, u aslida erkak ekanini ilgari surdi. Bu haqda Live Science xabar berdi.
Avvalroq olimlar bosh suyagining shakli va o‘lchami haqidagi ma’lumotlarga asoslanib, skelet taxminan 9600 yil avval hozirgi Braziliya hududida yashagan ayolga tegishli ekanini taxmin qilgan. Shuning uchun unga Zuzu deb ism qo‘yishgan. Mashhur grafik rassom Sisero Morayes ko‘magida bir guruh braziliyalik arxeologlar skeletni, xususan, hozirgi Braziliya hududida 9600 yil avval yashagan odamning bosh suyagini qayta tekshirishga qaror qildi. U so‘nggi o‘n yilliklarda Braziliyadagi eng muhim arxeologik topilmalardan biri hisoblanadi.
Arxeolog Moasir Elias Santos boshchiligida olimlar Zuzu bosh suyagining o‘nlab raqamli tasvirlarini yaratdi, keyin ularni birlashtirib, batafsil 3D modelini ishlab chiqdi. Ular Zuzu aslida ayol emas, erkak bo‘lganini ta’kidlab, uning yuzini qayta tiklash bilan buni isbotlashga urindi.
Shuningdek, mutaxassislar bosh suyagining kompyuter tomografiyasidan foydalandi va uni hozirgi odamlarning bosh suyagi shakli va o‘lchamiga solishtirdi. Bosh suyagining xususiyatlariga asoslanib, olimlar uning tuzilishini yaratdilar. Marayesning so‘zlariga ko‘ra, ular qadimgi braziliyalikning yuzini imkon qadar tiklashga muvaffaq bo‘ldi.
Olimlarning fikricha, Zuzu keng burni va labi bo‘lgan erkak edi. Garchi bu odam osiyolikka o‘xshasa-da, Zuzu va Osiyoda yashovchi odamlar o‘rtasida bosh suyagi tuzilishida sezilarli farqlar mavjudligi aytilgan.
Zuzuning yuzini qayta yangi tiklash u ayol yoki erkak ekani haqidagi bahslarga barham berishi mumkin. Ammo tadqiqot mutaxassislari ikkinchi variantni tanlamoqda.
Izoh (0)