APL. “Arsenal” safarda “Everton”ga mag‘lub bo‘ldi

Futbol bo‘yicha Angliya Premyer Ligasining 22-turida “Arsenal” 4-fevral, shanba kuni “Everton” bilan bahs olib bordi.

Uchrashuvning birinchi bo‘limida darvozalar ishg‘ol etilmadi. Ikkinchi bo‘limda esa “Everton” futbolchisi Jeyms Tarkovski hisobni ochdi. Ushbu gol o‘yin oxiriga qadar yagonaligini saqlab qoldi va mersisaydliklarga g‘alaba keltirdi. 

Londonliklar 50 ochko bilan 1-o‘rinda qoldi. “Everton” esa ochkolarini 18 taga yetkazib, 17-o‘ringa ko‘tarilib oldi.

APL

22-tur bahsi

4-fevral, shanba

“Everton” — “Arsenal” 1:0

Gol: 1:0 – 60 Tarkovski.

“Everton”: Pikford, Koulmen, Tarkovski, Koudi, Mikolenko, Guye, Dukure, Onana, Maknil, Kelvert-Lyuin (Mope, 62), Ivobi.

“Arsenal”: Remsdeyl, Uayt (Tomiyasu, 85), Gabriel, Saliba, Zinchenko, Jaka, Parti (Jorjinyo, 59), Edegor (Fabiu Vieyra, 77), Saka, Nketia, Martinelli (Trossard, 59).

Ogohlantirishlar: Mikolenko (63), Onana (69), Pikford (86).