Bernardu Silva “Manchester Siti”ni tark etmoqchi. Futbolchining asosiy maqsadi — Ispan klubiga o‘tish 

“Manchester Siti” futbolchisi Bernardu Silva yozda jamoani tark etmoqchi. 

Bernardu Yevropa klublaridan yaxshiroq taklif tushsa, uni qabul qilishga tayyor, xabar beradi The Athletic. Silvaning asosiy maqsadi — Ispaniyaga yo‘l olish.

2022-yil yozida portugaliyalik futbolchi “PSJ” qiziqish bidlirgandi. Biroq Bernardu uchun madaniyati Portugaliyaga yaqinroq bo‘lgan mamlakatda to‘p surish muhim ahamiyat kasb etadi.

“Manchester Siti” ham futbolchini qo‘yib yuborishga qarshi emas va allaqachon uning o‘rnini bosishi mumkin bo‘lgan futbolchilar ro‘yxatini tuzishga kirishgan.

Bernardu 2017-yildan buyon “shaharliklar” sharafini himoya qilib keladi. Joriy mavsum Silva barcha musobaqalarda 30 ta o‘yinda ishtirok etib, 2 ta gol va 5 ta golli uzatmaga mualliflik qildi.