“Barselona” MLS vakilini ro‘yxatdan o‘tkazishda 18 soniya kech qolgan

FIFA “Barselona”ning “Los-Anjeles Geleksi” himoyachisi Xulian Arauxo bilan shartnoma imzolashiga ruxsat bermadi.

Kataloniyaliklar himoyachini 4 million yevro evaziga xarid qilishga kelishib olgandi. Futbolchining o‘zi bilan 2026-yil iyun oyiga qadar mo‘ljallangan shartnoma taklif qilingandi. Biroq “Barselona” Arauxoni ro‘yxatdan o‘tkazishga 18 soniya kech qoldi.

“Ko‘k-anorranglilar” transferni yakunlash uchun FIFAga murojaat qilgan. Lekin tashkilot o‘ng qanot himoyachisi transferi qoidalarga ko‘ra yakunlanmay qolgani uchun ruxsat bermagan.

21 yoshli Xulian o‘tgan mavsum “Los-Anjeles Geleksi” safida barcha musobaqalarda 40 ta o‘yinda ishtirok etib, 5 ta golli uzatmani amalga oshirgan.