Шимолий Корея ҳукумати мамлакатнинг Россиядаги савдо компанияларига Донбассни қайта тиклаш ишларида қатнашиш учун кадрлар танлашни буюрди. Бу ҳақда Daily NК хабар берди.
Нашрининг Россиядаги манбасига кўра, Шимолий Корея 20 январь куни бир нечта савдо компанияларига, жумладан Мудофаа вазирлигига қарашли Cholxyon Construction ва Кumrung Construction’га тегишли буйруқ берган.
Буюртмани олган барча савдо компаниялари ҳарбий ёки жамоат хавфсизлиги идоралари билан боғлиқлиги ҳисобга олинса, КХДР Украина шарқига оддий кадрларни эмас, аскар ёки полиция ходимларини юбориши мумкин. Сабаби улар тинч аҳолига қараганда назорат қилиш ва хавфсизликни сақлашда устун экани таъкидланади.
Украинага жўнатилиш учун танланган ходимлар 19 ёшдан 27 ёшгача бўлган йигитлардир, уларнинг кўпчилиги уйланган, аммо оиласини Шимолий Кореяда қолган.
Таъкидланишича, КХДР ҳукумати асосан хорижга уйланган эркакларни юборади, уларнинг хотини ва болаларини эса Шимолий Кореяда қолдиради. Бу орқали эркакларнинг қочқин бўлиши олдини олинади.
Мавзуга доир: Шимолий Корея АҚШни Пхенян Россияга қурол сотаётгани ҳақида “миш-миш тарқатиш” оқибатларидан огоҳлантирди