Toshkent shahri Mirobod tumanida ayollar o‘zini SES xodimi deb tanishtirib, dori sotib yurgani aniqlandi. Sanitariya-epidemiologik osoyishtalik va jamoat salomatligi xizmati holat yuzasidan munosabat bildirdi.
Qayd etilishicha, “Movarounnahr” mahallasi aholisiga o‘zini “Sanitariya-epidemiologik osoyishtalik va jamoat salomatligi xizmati tuman bo‘limi xodimimiz (SES)” deya tanishtirib, turli hasharotlarga qarshi dorilarni pullayotgan shaxslar paydo bo‘lgani aytilmoqda.
Ta’kidlanishicha, soxta SES xodimlari deya tanishtirayotganlar firibgarlik yo‘li bilan kelib chiqishi noma’lum dorilarni sotmoqda.
“Hurmatli fuqarolar. Videoda ko‘rsatilgan soxta SES xodimlari Sanitariya-epidemiologik osoyishtalik va jamoat salomatligi xizmati Toshkent shahar boshqarmasi, Toshkent shahri Dezinfeksiya stansiyasi va tuman hududiy bo‘limlarida faoliyat yuritmasligini ma’lum qilamiz”, — deyiladi xabarda.
Izoh (1)
liboy biznes xarasha. lekin oxiri 15 sutka