Surxondaryo viloyatining Angor tumanida Spark va tez yordam mashinasi to‘qnashishi oqibatida bir kishi halok bo‘ldi.
Viloyat IIB YHXB matbuot xizmatining ma’lum qilishicha, voqea 28-yanvar kuni soat 4:10 larda M-39 xalqaro avtomobil yo‘lining 1433-kilometrida yuz bergan.
Tez yordam mashinasi o‘z yo‘nalishi bo‘yicha harakatlanib ketayotgan bo‘lgan. Spark haydovchisi yo‘l qoidasini qo‘pol ravishda buzib, qarama-qarshi yo‘nalishga chiqib harakatlanishi oqibatida avtomashinalar to‘qnashib ketgan.
Oqibatda Spark’ning 22 yoshli haydovchisi olgan og‘ir tan jarohatlaridan voqea joyida vafot etgan. Tengdoshi boʻlgan yoʻlovchisi esa ogʻir ahvolda kasalxonaga olib ketilgan.