Сурхондарё вилоятининг Ангор туманида Spark ва тез ёрдам машинаси тўқнашиши оқибатида бир киши ҳалок бўлди.
Вилоят ИИБ ЙҲХБ матбуот хизматининг маълум қилишича, воқеа 28 январь куни соат 4:10 ларда М-39 халқаро автомобиль йўлининг 1433-километрида юз берган.
Тез ёрдам машинаси ўз йўналиши бўйича ҳаракатланиб кетаётган бўлган. Spark ҳайдовчиси йўл қоидасини қўпол равишда бузиб, қарама-қарши йўналишга чиқиб ҳаракатланиши оқибатида автомашиналар тўқнашиб кетган.
Оқибатда Spark’нинг 22 ёшли ҳайдовчиси олган оғир тан жароҳатларидан воқеа жойида вафот этган. Тенгдоши бўлган йўловчиси эса оғир аҳволда касалхонага олиб кетилган.