Bugun,

  • USD 11095.31
  • RUB 173.84
  • EUR 10772.44

Ukrainadan Turkiyaga yo‘l olgan quruq yuk tashuvchi kema Bosfor bo‘g‘ozida sayozlikka o‘tirib qoldi. Ayni paytda bo‘g‘oz kemalar harakati uchun vaqtinchalik yopib qo‘yildi, deb xabar beradi Turkiya qirg‘oq xavfsizligi bosh boshqarmasi.

MKK-1 kemasi

MKK-1 kemasi
Foto: Reuters

142 metrli MKK-1 kemasiga qutqaruv katerlari va shatakchi kemalar yo‘naltirilgan.

Qo‘shma koordinatsiya markazi ma’lumotlariga ko‘ra, 15-yanvar kuni Ukraina portlaridan 55 tonnadan ortiq don va boshqa oziq-ovqat mahsulotlari ortilgan uchta kema chiqib ketgan. 14-yanvar kuni esa Ukrainadan 32 ming tonnadan ziyod arpa va kungaboqar moyi ortilgan ikkita quruq yuk tashuvchi kema Turkiyaga qarab yo‘l olgan.

Turkiya bayrog‘i ostidagi quruq yuk tashuvchi kemalar Rossiya, Turkiya, BMT va Ukraina o‘rtasida 2022-yil 22-iyul kuni tuzilgan don bitimi doirasida Ukrainadan qishloq xo‘jalik mahsulotlarini olib chiqib ketmoqda. Dastlab u 18-noyabrgacha mo‘ljallangan edi, keyinroq esa avtomatik ravishda yana 120 kunga uzaytirildi. Turkiya Qishloq xo‘jaligi vazirligining 9-yanvardagi ma’lumotlariga ko‘ra, don bitimi amalga oshirilishni boshlaganidan buyon Ukraina portlaridan 16,9 million tonna qishloq xo‘jalik mahsulotlari olib ketilgan. Shularning 5,4 foizigina kambag‘al mamlakatlarga yetkazib berilgan.

Avvalroq Ukraina makkajo‘xorisi ortilgan quruq yuk tashiydigan Glory kemasi Misr shimolidagi Al-Qantara shahri yaqinida Suvaysh kanalida sayozlikka o‘tirib qolgan edi.

Izoh
Asosiy yangiliklar
Mahalliy
“Tez yordam mashinasi 5 yilda ikki baravarga ko‘paydi, bitta chaqiruv dorisi 640 so‘mdan 7,5 ming so‘mga oshdi”. “Daryo” tibbiyotdagi o‘zgarishlarni Namangan viloy...
Sport
Bundesliga. “Borussiya D” o‘z maydonida raqibini tor-mor etdi 
Shou-biznes
Instagram: Aeroportda dabdaba bilan kutib olingan Liil Xurramov, qo‘shiq kuylagan Abduhoshim Ismoilov, yangi raqqosalarni kashf etayotgan Yulduz Usmonova