Rossiyani zudlik bilan to‘xtatish kerak — Polsha bosh vaziri

Polsha hukumati rahbari Mateush Moravetskiy Dneprga berilgan raketa zarbasi yuzasidan izoh berib, Rossiyani to‘xtatish kerakligini aytdi.

Russia intentionally keeps on committing war crimes against civilians. It’s inhuman. We need to act now and make them stop.

Rosja celowo popełnia kolejne zbrodnie wojenne na ludności cywilnej. To nieludzkie. Musimy działać natychmiast, żeby ją powstrzymać. https://t.co/0k1J2pCBy9

— Mateusz Morawiecki (@MorawieckiM) January 15, 2023

Rossiya fuqarolik obyektlariga hujum qilish va tinch aholini o‘qqa tutish orqali ongli ravishda harbiy jinoyatlarni amalga oshirmoqda. Jahon hamjamiyati agressor mamlakatni to‘xtatishi kerak, dedi Polsha bosh vaziri.

“Rossiya tinch aholiga qarshi qasddan harbiy jinoyatalrni amalga oshirishda davom etmoqda. Bu vahshiylik”, — deb yozdi Moravetskiy Twitter’da.

U  Rossiyani zudlik bilan to‘xtatish kerakligini ta’kidladi. “Biz hoziroq harakatga o‘tishimiz va uni to‘xtashga majbur qilishimiz kerak”, — deyiladi uning tvitida.

Moravetskiy o‘z postiga Rossiyaning Dneprdagi ko‘p qavatli uyga bergan zarbasi aks etgan videoni ilova qildi, u yerda ayni paytda qutqaruv ishlari davom etmoqda.

Rossiyaning Ukrainaga 14-yanvar kungi ommaviy hujumi vaqtida Dnepr shahridagi to‘qqiz qavatli turar joy binosiga raketa kelib tushdi. Raketa hujumi oqibatida 72 xonadon vayron bo‘lgan, 230 dan ortig‘i zarar ko‘rgan. So‘nggi ma’lumotlarga ko‘ra, hodisa natijasida 30 kishi halok bo‘lgan.

14-yanvar kuni tushdan keyin Rossiya Ukrainaga qarshi navbatdagi ommaviy zarbalarni berdi. Dneprda to‘qqiz qavatli binoga raketa urilishi oqibatda ikkinchi qavatdan to‘qqizinchi qavatgacha bo‘lgan ikkita podyezd vayron bo‘lgan.