Fuqaro murojaati asosida sobiq Jismoniy tarbiya va sport vazirligi mansabdor shaxslarining noqonuniy xatti-harakatlari yuzasidan o‘rganish o‘tkazildi hamda bir qator xato va kamchiliklar aniqlandi, deb xabar bermoqda Korrupsiyaga qarshi kurashish agentligi.
Jumladan, 2019-yilda Italiyaning Pyediluko shahrida akademik eshkak eshish bo‘yicha o‘tkazilgan turnir hamda o‘quv yig‘ini mashg‘uloti uchun sarflangan 334 million so‘m, 20 680 yevro va 1500 dollar miqdoridagi mablag‘larni tasdiqlovchi hujjatlar mavjud emasligi ma’lum bo‘lgan.
Shuningdek, 2020-yilda budjet mablag‘lari hisobidan jami 2,9 milliard so‘mlik 6 ta shartnoma bo‘yicha sotib olingan jihozlarning foydalanish uchun tarqatilganini tasdiqlovchi hujjatlar mavjud emasligi aniqlangan.
Shu va boshqa bir qator holatlar bo‘yicha to‘plangan hujjatlar qonuniy baho berish uchun O‘zbekiston Respublikasi Bosh prokuraturasiga yuborilgan.
Aniqlangan holatlar yuzasidan tergovga qadar tekshirish o‘tkazilgan. Natijasi bo‘yicha prokuratura idoralari tomonidan Jinoyat kodeksining 167-moddasi (talonchilik) 3-qismi, “a” bandi va boshqa moddalari bilan jinoyat ishi qo‘zg‘atilgan.
Hozirda tergov harakatlari olib borilmoqda.
Izoh (0)