Namangan va Andijon xalqaro aeroportlarida quyuq tuman tufayli ko‘rishning yomonlashishi samolyotlarni qabul qilish va jo‘natishning vaqtincha to‘xtatilishiga olib keldi. Bu haqda Uzbekistan Airports xabar qildi.
Xususan, Namanganda ko‘rinish chegarasining 700 metrgacha pasayib ketishi sababli Uzbekistan Airways aviakompaniyasining HY9816/9821 (Orenburg—Namangan—Irkutsk) va HY9822/94 (Irkutsk—Namangan—Toshkent) yo‘nalishlari bo‘yicha reyslari o‘zgartirilgan.
Air Arabia aviakompaniyasining G9784/785 (Sharja—Namangan—Sharja), shuningdek, Red Wings aviakompaniyasining WZ4483/4484 (Moskva—Namangan—Moskva) reysi Toshkent xalqaro aeroportidan amalga oshiriladi.
Noqulay ob-havo sharoiti (ko‘rish masofasi 900 metr) Andijon aeroporti ishining cheklanishiga ham sabab bo‘lgan. Uzbekistan Airways’ning HY091 (Toshkent—Farg‘ona), HY049 (Farg‘ona—Samarqand), HY050 (Samarqand—Farg‘ona) va HY092 (Farg‘ona—Toshkent) reyslari o‘zgartirilgan yo‘nalish bo‘yicha amalga oshiriladi.
Noqulay ob-havo tufayli Namangan va Andijon aeroportlari vaqti-vaqti bilan o‘z ishini to‘xtatib, qayta tiklashga majbur bo‘lmoqda”, — deyiladi xabarda.
Izoh (0)