2022-yilning yanvar—noyabr oylarida O‘zbekiston 12 ta xorijiy davlatdan qiymati 11,4 mln dollarga teng bo‘lgan 45,6 ming tonna mandarin import qilgan. Bu haqda Davlat statistika qo‘mitasi xabar bermoqda.
Mandarin importi o‘tgan yilning mos davri bilan solishtirilganda 16,4 ming tonnaga oshgan. Joriy yilning noyabr oyida esa ushbu sitrus meva importi 3 ming tonnaga teng bo‘lgan.
O‘zbekiston 11 oyda mandarin mahsulotini eng ko‘p import qilgan davlatlar orasida Pokiston yetakchilik qilmoqda — 36,7 ming tonna. Noyabr oyida mamlakatdan 800 tonna mandarin olib kelingan.
Eng ko‘p mandarin import qilingan davlatlar ro‘yxatida Turkiya ikkinchi o‘rinda — 3,6 ming tonna. Mamlakatdan noyabrda 500 tonna mandarin olib kelingan.
Xitoy esa uchinchi o‘rinda — mamlakatdan dastlabki 11 oyda 3,2 ming tonna mandarin olib kelingan. Birgina noyabr oyining o‘zida esa — 1,3 ming tonna.
Erondan esa yanvar—noyabr oylarida 503 tonna mandarin import qilingan. Shundan 78 tonnasi noyabrda olib kelingan.
O‘zbekiston Misrdan umumiy 442,2 tonna mandarin import qilgan. Noyabr oyida esa mamlakatdan ushbu meva olib kelinmagan.
Mavzuga doir: O‘zbekistonda mandarin narxi keskin pasaydi. Bunga nima sabab bo‘lmoqda?
Izoh (0)